MENU

NEGROS OCCIDENTAL MAY 83.63% NGA VOTER TURNOUT NAGLIGAD NGA ELEKSYON

  • at 4:52 pm
Share on facebook
Share on pinterest
Share on twitter
Share on print

83.63% ang voter turnout sa Negros Occidental nagligad nga Mayo 9, 2022 nga eleksyon.

Ini ang inisyal nga datos nga ginpresentar ni Acting Comelec Provincial Supervisor Atty. Roberto Salazar subong nga adlaw Mayo 18, 2022.

Apang ginklaro ni Salazar nga ini ang ginbasi pa lamang sa Certificate of Canvass halin sa Consolidation and Canvassing System (CCS).

Dugang pa ni Salazar nga sa 1.6 milyones ka mga nakarehistro nga botante sa Negros Occidental, 1.3 milyones sa mga ini ang nagboto nagligad nga eleksyon.

Sa karon ginahulat pa ni Salazar ang report halin sa mga banwa kag syudad nga amo ang basihan sa pagsumiter sang pinal nga listahan sa kadamuon sang mga botante nga nagboto kag nagpirma , sandig sa Election Day Computerized Voters Lists (EDCVLs).

Sa rekord sang Comelec, ang Negros Occidental ang may 1,619,236 ka mga registered voters, mas mataas ikomparar sa 1,576,384 sang nagligad nga 2019 midterm elections. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

CELL NO. 4 PAGATUKURON SA LANDFILL SANG BACOLOD

April 18, 2024

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

What’s your Reaction?
+1
0
+1
0
+1
0
+1
0
+1
0
+1
0
+1
0

CAUAYAN MAY PINAKADAKU NGA HALIT SANG EL NIÑO

April 18, 2024

26 sa 31 ka mga banwa kag syudad sa Negros Occidental ang apektado sang el niño phenomenon.

Sa datos nga ginsumiter ni OIC-Provincial Agriculturist Dina A. Genzola kay Governor Bong Lacson napetsahan Abril 17, 2024, may P184.7 milyones pesos na ang kabug-usan nga balor sa kahalitan sa mga humayan kag maisan.

Pinakadaku nga kahalitan sa humayan ang narekord sa Cauayan nga may P67.8 milyones pesos, kag Kabankalan nga may P41.9 milyones pesos.

Samtang sa mga maisan, pinadaku nga ginhalitan sang el niño ang 83.2 hektarya sa banwa sang Calatrava balor P3.8 milyones pesos.

Nagligad nga Lunes nagdeklarar sang state of calamity ang San Enrique, Negros Occidental bangud sa daku nga kahalitan sang el niño sa banwa.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.