Nagdangat na sa malapit duha ka milyon ang registered voters sa probinsya sang Negros Occidental kag syudad sang Bacolod para sa 2022 National and Local Elections.
Suno kay Outgoing Negros Occidental Election Supervisor Atty. Ian Lee Ananoria, nadugangan sang kapin 40 mil ang registered voters sa probinsya sa ginpatigayon nga extension sang votera registration.
Samtang, 327,403 ang total registered voters sa syudad sang Bacolod.
Suno kay Ananoria, pinal na ang listahan sang mga registered voters sa kada banwa kag syudad sa probinsya apang indi pa mapagwa bangud nga nagapadayon pa ang validation kag printing sa bahin sang COMELEC.
Dugang pa ni Ananoria, mahimo naman mahulihi sa pagpagwa sang listahan sang registered voters ang syudad sang Bacolod bangud sang kadamuon sang botante.
Ginpaathag naman ni Ananoria nga ginakakas nila ang mga na-validate nga flying voters. | Aksyon John Diaz