NEGROS ORIENTAL GINADUSO MAG HOST SANG 2024 NEGROS ISLAND ORGANIC FARMERS FESTIVAL

VALLACAR BOLUNTARYO NGA NAG SUSPEND SANG ILA BYAHE SA ANTIQUE

Boluntaryo nag-suspend sang biyahe ang Vallacar Transit Inc. (VTI) matapos ang nagluntad nga aksidente kahapon sang hapon, Martes, Disyembre 5 sa Hamtic, Antique nga ginkamatay sang masobra isa ka dosena nga pasahero.

Sa interview sa Aksyon Hotline, ginpahayag ni LTFRB regional director Richard Osmeña nga pagtapos sang iya sugilanon sa gobernador sang Antique kag alkalde sang Hamtic pa kun tane siya magapapanaog sang desisyon angot sa suspensyon sang biyahe, apang nauna na nga nag-anunsyo ang VTI.

Ang suspensyon ang may minimum nga 30 ka adlaw.

Nahibaloan, ang VTI ang may 12 ka units sang Ceres bus nga nagabiyahe sa amo nga ruta.

Paga-diskusyonan na man sang LTFRB upod ang mga otoridad kun ano ang pagahimuon nga solusyon sa mga magabiyahe sa nasambit nga ruta kasunod nga ginapaabot ang pagdagsa sang mga pasahero sini nga panahon sang paskwa.

GINAPATIHAN NPA PATAY SA ENKWENTRO SA BINALBAGAN

Patay ang isa ka myembro sang New People’s Army matapos ang 5 ka minuto nga engkwentro nga nagluntad sa tunga sang 62nd Infantry Battalion las 5:35 sg aga, Disyembre 6 sa Sitio Caranawan, Barangay Amontay banwa sang Binalbagan.

Suno kay 303rd Brigade Commander BGen Orlando Edralin, wala pa nakilala ang lalaki nga napatay sa engkwentro nga isa sa lima ka persona nga ginapatihan myembro sang Central Negros 1 Komiteng Rehiyon- Negros, Cebu, Bohol kag Siquijor.

Dugang pa ni Edralin, nagpadulong sa lugar ang mga militar bangud sa report nga ila nabaton gikan sa mga pumuluyo nga nagapangilkil ang nasambit nga grupo.

Narecover sang militar ang isa ka rifle kag isa ka caliber 45 nga armas luthang, mga personal nga kagamitan kag pila ka subersibo nga dokumento.