NIA-BRIS: MAGAMAY PA LAMANG ANG EPEKTO SANG DRY SPELL SA SUPLAY SANG TUBIG SA MGA PANANOM

Share on facebook
Share on pinterest
Share on twitter
Share on print

Magamay pa lamang ang epekto sang dry spell sa suplay sang tubig sa mga pananom nga nasakopan sang National Irrigation Administration – Bago River Irrigation System (NIA-BRIS).

Ini ang ginpahayag ni Federation of Irrigators Association of Central Negros – Bago River Irrigation System (FIACN-BRIS) President Pedro Limpangog.

Suno kay Limpangog, nagapadayon ang pagsuplay sang tubig sa kapin 5,000 hektarya nga humayan sa norte, sentral kag sur nga bahin sang probinsiya.

Dugang pa ni Limpangog, nagapadayon man ang pagpaninlu sa mga canal nga ginaagyan sang tubig halin sa irigasyon pakadto sa mga pananom, paagi sa mga job order workers sang gobyerno probinsiyal.

Una diri ginpahayag ni Governor Bong Lacson nga plano niya nga makigsapol sa mga opisyal sang Department of Agriculture (DA) Region 6 sa possible nga pagpatigayon sang cloud seeding operations, sa ikalima kag ika-anom nga distrito sang Negros Occidental.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.