Istrikto na nga ginapatuman sang Bacolod Traffic Authority Office ukon BTAO ang ‘No Terminal’ policy sa downtown area.
Suno kay Major Junji Liba, pamuno sang BTAO, may yara sang madugay na nga ordinansa ang syudad nga No Parking Scheme sa downtown area kag ila lamang ini nga ginapatuman.
Sa record sang BTAO Office, ini nga polisa ang base sa City Ordinance 338.
Gin ehemplo ni Liba, nga sige-sige ang ila clearing operation kag wala na sang terminal sa mga main highway kaangay sang dalan Luzuriaga, Gonzaga, Gatuslao, Araneta, Lacson.
Nag umpisa ang istrikto nga pagpatuman sini duha ka semana ang nakaligad kag karon yara na sa ikatatlo nga semana.
May mga transport group naman ang nagapangabay sa BTAO nga haganhaganon ang pagpatuman sini.
Pero suno kay Liba, indi ini pwede bangud kon pasugtan ang isa, mahisa naman ang iban kag posible indi na makontrol sa ulihe.
Ginpaathag ni Liba, nga ang pag parking ukon terminal sang mga jeep sadto sa downtown area ang base sa Memorandum of Agreement ukon MOA sang tinalikdan nga administrasyon pero ini ang nag expire na.
Ginklaro ni Liba nga pwede ma renew ang amo nga MOA.
Paathag pa ni Liba, pwede lamang ka papanaug sang pasahero ang driver ukon mag-pick up sang pasahero bangud kon magtinir sa downtown, pwede sila nga ticketan.
Sa karon, may yara sang supervisor ang BTAO nga naga monitor sa sitwasyon sang downtown area.
