NOCPPO BUKAS NGA MAGBULIG SA BCPO SA PAGSOLBAR SA MGA SHOOTING INCIDENT

Share on facebook
Share on google
Share on pinterest
Share on twitter
Share on print

Makabulig pinaagi sa koordinasyon kag impormasyon ang Negros Occidental Police Provincial Office (NOCPPO) sa Bacolod City Police Office (BCPO) sa pagsolbar sang pila ka mga kaso nga nagluntad sang nakaligad nga semana.

Suno kay Police Lt. Abegael Donasco, Spokesperson sang NOCPPO, bukas ang NOCPPO kun kinahanglan sang BCPO sang koordinasyon agud masolbar ang kaso sang pinatyanay sa Bacolod ilabi na kun ang ila imbestigasyon naga-angut sa mga suspetsado ukon motibo nga sakop na sang probinsya.

Dugang pa ni Donasco, gilayon man nga magahatag sang impormasyon ang NOCPPO sa BCPO sa tion nga may makuha nga report pinaagi sa intelligence monitoring.

Ginklaro naman ni Donasco nga limitado lamang ang bulig nga mahatag nila sa BCPO bangud nga indi pwede nga sal-on sang ila nga unit ang imbestigasyon sa isa ka kaso apang sa baylo mahimo sila makahimo sang separado nga tikang.

Sa bahin naman sang augmentation force, ginpahayag ni Donasco nga ang desisyon sini magahalin sa Police Regional Office-6. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

PINAKAUNA NGA EXECUTIVE ORDER NI BENITEZ AMO ANG PAGTUKOD SANG TRUTH COMMISSION – INCOMING CITY ADMINISTRATOR

Ginpahayag ni incoming City Administrator Atty. Pacifico “Boyet” Maghari III, nga ang truth commission ang pagabug-usan sang tatlo ka mga miembro.

Ginpahayag ni Maghari, nga natalana mag papanaug si Mayor-elect Albee Benitez sang pinakauna sini nga Executive Order nga nagatukod sang amo nga komisyon nga posible magwa sa Hulyo 1.

Ginkumpirmar ni Maghari nga ang komisyon ang pamunuan ni incoming City Legal Officer Romeo Carlos Ting Jr., siya bilang City Administrator kag isa pa ka wala mahingadlan.

Suno kay Maghari, maga kuha man sila sang consultants kag resource persons nga magagiya sa Truth Commission kag para mapatuman ang mga function sini base sa mando sang Alkalde.

Ginklaro ni retired state auditor Marilou Reyes, nga indi pa siya miembro sang Truth Commission bangud ini ang pagabug-usan sang organic nga miembro sang City Hall.

Sa nahibaluan, tinutuyo sang Truth Commission nga mausisa ang mga transaksyon sang outgoing administration kag para indi masulit ang mga sala kag para sa matinlo nga panggobyerno.

What’s your Reaction?
+1
0
+1
0
+1
0
+1
0
+1
0
+1
0
+1
0

PILA KA PROGRESIBO NGA GRUPO INDI PAGKILALAHON BILANG LEADER ANG BBM-SARA

Ginpahayag sang pila ka progresibo nga grupo nga nabase dire sa probinsya sg Negros Occidental nga indi nila pagkilalahon bilang leader sang Pilipinas sanday incoming President Ferdinand Bongbong Marcos Jr. kag Vice President Sara Duterte.

Suno kay Noli Rosales, secretary-general sg Kilusang Mayo Uno, ila ginahangkat ang mga mapungko nga opisyal nga hatagan kasolbaran ang problema sg Pilipinas apang ila ginapamangkot kon paano ini masolusyunan bangud nagapati sila nga wala man sila sg kapasidad nga makahatag solusyon sa krisis nga ginapangatubang sang Pilipinas bangud ang ila interes amo ang mapadamo ang ila manggad.

Dugang pa, ginahandaan man nila ang red-tagging ilabi na nga indi sila maghipos sa pagkwestyon, pagbantay kag hibaluon ang dapat hibaluon sa idalom sang ila administrasyon.

Sa record sang progresibo nga grupo, ila gin-alegar nga ang isla sg Negros isa na ka “killing field” bangud sa idalom sg administrasyon ni Presidente Rodrigo Duterte, naglambot na sa 105 ang kaso sg extrajudicial killings sa probinsya.

Nagapati ang grupo nga nagdaog ang BBM-Sara bangud sa sala nga mga impormasyon, red-tagging, suppression sg oposisyon kag massive electoral fraud. | Aksyon Eden Aboso

What’s your Reaction?
+1
0
+1
0
+1
2
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.