NOCPPO BUKAS SA JOINT INVESTIGATION KAUPOD ANG BCPO SA PAGPATAY SA BUGAW KAG COMMERCIAL SEX WORKER

Share on facebook
Share on pinterest
Share on twitter
Share on print

Bukas ang Negros Occidental Police Provincial Office (NOCPPO) sa joint investigation kaupod ang Bacolod City Police Office (BCPO) sa kaso nga pagpatay sa isa ka bugaw kag isa ka commercial sex worker nga babaye.

Suno kay Police Lt. Judesses Catalogo, Spokesperson sang NOCPPO, ginatutukan sang Talisay City PNP ang imbestigasyon may angut sa lugar kun sa diin ulihi nakit-an si Mario Demetrio kag ang mga kaupod sini.

Dugang pa ni Catalogo, dako ang mabulig sang pinakaulihi nga resulta sang imbestigasyon sang Bacolod City Police Station 7 agud mahibaloan kun konektado ang pagpatay kay Demetrio sa kamatayon sang commercial sex worker nga si Rovily Mahinay.

Gin ako sang NOCPPO nga mabudlay para sa kapulisan ang pagpangita sang ebidensya kag saksi bangud nga malayo kag ligwin ang lugar nga ginbilin ang bangkay ni Demetrio.

Nagapati si Catalogo nga ginhungod ang pagbutang sang lawas ni Demetrio sa ligwin nga lugar agud matago ang krimen. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

72 KA DEPEKTIBO NGA KILOHAN SA MERKADO SA CADIZ, GINPANGGUBA

Naglab-ot sa 72 ka depektibo nga kilohan sa merkado sa syudad sang Cadiz ang ginpangguba subong nga adlaw, bilang pagtinguha sang lokal nga gobyerno sang syudad nga maproteksyunan ang mga bumalakal batok sa mga nagapangdaya sa kilo nga mga negosyante.

Sa interview sa Aksyon Firing Line, ginpahayag ni Cadiz City Mayor Salvador Escalante nga binulan man ang monitoring sang syudad kasunod sang madamo nga reklamo sa wala na nagasanto’ nga kilo sang ila ginabakal kaangay sang karne kag iban pa.

Gintawag naman ni Escalante nga alarming ang kadamuon sang nakumpiskar nga depektibo nga mga kilohan kag nanawagan sa mga negosyante nga untaton na ang pangpangdaya tungod magapadayon ang syudad agod matapna ang mga ini.

Ang tikang sang syudad may kaangtanan sa ginaselebrar subong nga bulan nga Consumer’s Welfare Month. | Aksyon Ann Defensor-Lisay | via Firing Line | October 4, 2022

What’s your Reaction?
+1
0
+1
0
+1
0
+1
0
+1
0
+1
0
+1
0

LPP PABOR SA PAGPAISOL SANG SK KAG BRGY. ELECTIONS SA OKTUBRE 2023

Pabor ang League of Provinces of the Philippines (LPP) sa pagpaisol sa barangay kag Sangguniang Kabataan (SK) elections sa Oktubre 2023.

Suno kay Negros Occidental Governor Bong Lacson, isa ini sa mga topiko nga gintalakay sa ginpatigayon nga 2nd LPP General Assembly sa syudad sang Koronadal South Cotabato nagligad nga Setyembre 30.

Dugang ni Lacson, pagahulaton na lamang nila nga mga gobernador ang pagpirma ni Presidente Bongbong Marcos Jr. sa hagna.

Nagligad nga Miyerkules ginratify sang Kamara ang bicameral conference committee report sang hagna, antis isumiter sa Malacañang para pirmahan ni Presidente Marcos.

Ang House Bill No. 4673 ang nagatalana sang brgy. kag SK elections sa una nga Lunes sang Desyembre 2023, samtang ang Senate Bill No. 1306 ang nagatalana naman sa ikaduha nga Lunes sang Desyembre 2023.

Apang ginkasugtan sang bicameral conference committee nga italana ang eleksyon sa katapusan nga Lunes sang Oktubre 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.