NOCPPO: NABUNGKAG NA ANG MGA DRUG GROUP NGA NAGAOPERATE SA PROBINSYA

Share on facebook
Share on pinterest
Share on twitter
Share on print

Ginkumpirmar sang Negros Occidental Police Provincial Office (NOCPPO) nga nabungkag na ang mga drug groups nga naga-operate sa probinsya sang Negros Occidental.

Suno kay NOCPPO Spokesperson Police Captain Judesses Catalogo, tinalikdan nga tuig gin amat-amat dismantle sang gintingob nga pwersa sang PNP kag PDEA ang mga namonitor nga drug groups sa Northern kag Southern Negros.

Dugang pa ni Catalogo, na-certify na mismo sang national headquarters sang PNP ang ini nga accomplishments.

Apang, nagapadayon sa gihapon ang monitoring sang kapulisan batuk sa mga drug personalities bangud nga aminado ang NOCPPO nga matapos mabungkad ining mga drug groups nagmansig-mansig hulag ang mga drug personalities.

Pagpahayag pa ni Catalogo, wala man naga-untat ang kapulisan sa probinsya sa pagdakop sa mga kalakip sa negosyo sang ilegal nga droga.

Madumduman, tuig 2019 sang ginpalayag sang sadto NOCPPO Director nga si retired Police Brigadier General Romeo Baleros nga anum ka mga drug group ang naga-operate sa probinsya kalakip diri ang Ramos Drug Group, Divinigracia Drug Group, Bacus Drug Group, Burgos Drug Group, Macundato Drug Group kag Vertusio Drug Group. | Aksyon John Diaz

What’s your Reaction?
+1
0
+1
0
+1
1
+1
0
+1
0
+1
0
+1
1

GINALEGAR DRUG PERSONALITY GINTIRO, PILASON

Ginabulong sa San Carlos City Hospital ang isa drug personality matapos ginluthang sa Zone 5, Brgy. 5, syudad sang San Carlos, alas 3:20 sang hapon Sabado, (Feb. 24).

Ang biktima ginkilala kay Regie Villana kag residente sang sang amo nga lugar samtang ang suspek ginkilala naman kay Lionio Pastrana 25 anyos kag residente sang Sitio Agtotonoy, Brgy. Prosperidad.

Sa inisyal nga pagpangusisa ni PMaj. Ryan Villasario, deputy chief of police sang San Carlos City PNP, samtang nagapauli l si Villana sa iya puloy-an, sa ginbantayan kag hungod nga ginluthang ni Pastrana gamit ang cal. 45 pistol.

Gilayon nga gindala sa ospital si Villana matapos nakaangkon samg pilas sa tiyan kag kamot.

Sa sa bulig sang CCTV, nakilala kag nadakpan ang suspek nga karon nahunong na sa custodial facility sang San Carlos City PNP.

Narekober sang mga otoridad ang isa ka unit sang .45 cal pistol nga may (7) pito ka mga bala.
Away sa ilegal nga druga ang ginalantaw nga motibo sa pagluthang.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY PRESO NGA GINALEGAR NAGBATO SA KAPULISAN NALUTHANGAN, PATAY

Patay ang 45 anyos nga lalaki kag anay priso matapos nagbato sa kapulisan pinaagi sa pagpalupok sang armas-luthang sa Sitio Tugbungan, Barangay II, banwa sang Hinigaran, Negros Occidental , Sabado, Pebrero 24, 2024.


Ginkilala ang napatay nga si Alladin “Doydoy” Palcotan, wala sang trabaho, residente sang Brgy. Araal ,syudad sang La Carlota, kag person of interest sa pagbuno sa abyan sini nga si Eduard Acupan, 38-anyos.

Suno kay Police Major Clifford Batadhay, hepe sang Hinigaran Municipal Police Station, matapos makabaton sang impormasyon nga may yara sang stabbing incident gilayon nga nagresponde ang kapulisan.

Base sa imbestigasyon, ginbuno ni Palcotan si Acupan nga nakaangkon sang buno sa nawala nga tiyan matapos nagbaisay ang duha.

Nag negosyar pa ang kapulisan kay Palcotan bangud ini ang nagpabilin sa sulod- balay sang biktima kag may dala nga armas luthang.

Palayag ni Batadhay , nagdesisyon sila nga i-suffocate si Palcotan gamit ang fire extinguisher sang makapila ka beses apang nagapalupok ini batuk sa kapulisan.

Dugang pa, pag-abot sang 61st Special Action Force (SAF), nagbriefing ang mga ini kaupod ang kapulisan kag nadesisyonan nga sudlon nalang ang balay ni Acupan agud ma-neutralize si Palcotan.

Nakaangkon sang pilas si Palcotan matapos natiruhan kag ginhingagaw pa dala sa ospital apang gindeklarar nga dead-on-arrival.

Nahibaluan nga ang duha ka imbolbado ang mag-abyan kag bag-o lang naka gwa halin sa sulod sang prisohan.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.