Nagalaum ang Negros Occidental Police Provincial Office (NOCPPO) nga wala sang ilegal nga panahor nga patigayunon sa tanan nga local government units sa probinsya sang Negros Occidental sini nga semana santa.
Suno kay NOCPPO Spokesperson Police Captain Judesses Catalogo, naghatag na sang certification ang tanan nga hepe sang kapulisan nga nagapasalig nga wala na sang ilegal nga panahor sa ila nga areas of responsibilities.
Bangud sini, nagapati ang headquarters sang NOCPPO nga wala sang ilegal nga panahor sa ila tagsa ka mga nasakupan ilabi na samtang ginahiwat ang semana.
Apang, ginpaathag ni Catalogo nga ginapahanugutan naman ang bulang sa mga cockpit arena nga may lisensya ukon permiso.
Ginakabig naman nga ilegal ang tanan nga lusok ilabi na kun wala sang permit gikan sa lgu.
Nagapahanumdum si Catalogo sa publiko nga likawan ang pagpanahor bangud nga dako ang penalidad sa tion nga madakpan sang mga otoridad. | Aksyon John Diaz