MENU

NOCPPO NAGMANDO SA TALISAY PNP SANG MADASIG NGA IMBESTIGASYON SA PAGPATAY SA BUGAW

  • at 10:16 pm
Share on facebook
Share on pinterest
Share on twitter
Share on print

Ginmanduan sang Negros Occidental Police Provincial Office (NOCPPO) ang Talisay City PNP nga padasigon ang imbestigasyon sa kamatayon sang isa ka bugaw nga nasapwan ang bangkay sa Barangay Zone 16, syudad sang Talisay sabado sang gab-e, Setyembre 17.

Suno kay Police Lt. Judesses Catalogo, Spokesperson sang NOCPPO, nagahingyo ang kapulisan sang kooperasyon sa pamilya sang biktima nga si Mario Demetrio, agud mangin mahapos ang pagtipon sang ebidensya.

Dugang pa ni Catalogo, ang tanan nga impormasyon kag natabo isa ka bulan antis ang krimen ang gina-konsiderar sang kapulisan rasun kun ngaa kinahanglan gid sang malawig nga panahon kag makumpleto ang mga detalye.

Aminado naman si Catalogo nga dapat mapasaka ang kaso sa mas madali nga panahon ilabi na kun makilala ang mga suspetsado agud mahatagan ang hustisya ang kamatayon ni Demetrio.

Gina-imbestigahan sa karun sang kapulisan kun sa diin gid ginpatay si Demetrio agud ila mahibaloan kun sa diin sila magapakig-angut nga police units.

Sa karun, indi pa makumpirmar ni Catalogo kun pareho lang ang suspetsado nga responsable sa pagpatay kay Demetrio kag sa isa ka commercial sex worker nga ginkilala kay Jovily Mahinay sadtong Setyembre 7. | Aksyon John Diaz

What’s your Reaction?
+1
1
+1
1
+1
0
+1
0
+1
0
+1
1
+1
1

ANUM NGA NAPATAY SA ENKWENTRO GINAANGUT SA KRIMEN SA PROBINSYA

September 25, 2023

Gin alegar sang militar nga may kahilabtanan sa anom ka krimen sa Southern Negros ang anom ka napatay sa engkwentro sa syudad sang Kabanklan sadtong Hwebes sang gab-i, Setyembre 21.

Suno kay Lt. Col. Jayjay Javines, Civic Military Officer sang 3rd Infantry Division sang Philippine Army, madugay na nga gina-monitor sang militar si Alejo Delos Santos Alyas Peter bangod ini ang ginatudlo lider sang armado nga grupo nga nagpatay sa pila ka tropa sang militar sa Cauayan kag Sipalay.

Paathag ni Javines nga ginatudlo ang anom ka napatay nga may kahimuan sa pagsunog sang backhoe kag pagluthang sa duha ka militar sa Barangay Camindangan, syudad sang Sipalay sadtong bulan sang Marso kag Nobyembre 2022.

Subong man, gin alegar nga ang grupo man ni Delos Reyes ang nag-ambush sa duha ka soldado sa Barangay Yaoyao, banwa sang Cauayan sang Abril 2021.

Palayag pa ni Javines, indi na mapanginwala sang mga rebelde ang nasambit nga mga krimen tungod ang ila pag-ako naka-post sa ila official website.

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 2K KA PULIS MAGAHATAG SEGURIDAD SA MASSKARA 2023

September 25, 2023

Masobra 2,000 ka pulis ang ipalapta kadungan sa selebrasyon sang Masskara Festival sa syudad sang Bacolod.

Suno kay Lt. Col. Ronnie Brillo, Deputy City Director for Administration, Oktubre 6 iga-deploy ang 2, 331 ka personnel. Dugang pa ni Brillo, nag-request naman sila sang augmentation gikan sa Police Regional Office 6 bangud 1,044 lang ang masarangan nga personnel sang BCPO kag may kulang nga 1,287 ka pulis.

Suno kay Brillo kon masarangan sang NOCPPO, posible sa ila gikan ang augmentation antes magkuha sang augmentation gikan sa Iloilo Police Provincial Office kag iban nga units.

Posible man suno kay Brillo nga dugangan ang una nga 25 ka Bacolod City Public Assistance Desk nga ginpahamtang sa strategic areas sa palibot sang syudad.

Samtang, pahimuan ni Bacolod City Police Office Director Col. Noel Aliño sang individual security plan ang kada aktibidad sa Masskara Festival.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.