Naga-amat-amat na preparar ang Negros Occidental Police Provincial Office ukon NOCPPO sa pala-abuton nga eleksyon sa 2022.
Suno kay NOCPPO Deputy Spokesperson PLt Abegael Donasco, may inisyal meeting na si PCol Romy Palgue sa mga hepe sang kapulisan.
Dugang ni Donasco, gina-review naman ang mga banwa kag syudad nga may mainit ang enkwentro sa politika tinalikdan nga eleksyon.
Samtang, nagpahanumdom man si Palgue sa kapulisan nga indi mag-intra sa politika.
Suno kay Donasco, dapat nga wala sang politiko nga dampigan ang kapulisan kundi magserbi lamangg bantay sa palibot.
Gin-ehimplo ni Donasco ang lima ka pulis nga assign sadto sa Moises Padilla PNP nga ginpahalin sa serbisyo, matapos mapamatud-an sa korte nga may iregularidad ang ila ginpatigayon nga check point batok kay Mayor Ella Garcia-Yulo kag bana sini.| Aksyon Bryan Morden