NOCPPO: WALA SANG GUN FOR HIRE SA NEGROS OCCIDENTAL

ONSE NA KA MGA LUGAR SA NEG OCC ANG NAPAIDALUM SA ALERT LEVEL 1

Ginpaidalom sa COVID-19 Alert Level 1 tubtub Hulyo 15, 2022 ang syudad sang Talisay kag banwa sang Valladolid sa Negros Occidental.

Ini nga mga lugar amo ang ulihi nga ginlakip sang Inter-Agency Task Force on Emerging Infectious Diseases, sa 11 ka mga local government units (LGUs) sa Negros Occidental nga Alert Level 1.

Una na nga ginpaidalom sa amo nga Alert Level ang mga syudad sang Cadiz , Victorias, La Carlota, Sagay, banwa sang Pulupandan, Enrique B. Magalona, Pontevedra, Candoni kag San Enrique.

Subong nga adlaw gin-anunsiyo sang Malakanyang paagi kay Acting presidential spokesman Martin Andanar nga 85 sa 121 ka mga kaprobinsiyahan, highly urbanized cities, kag independent component cities, kag 166 sa 744 ka iban pa nga component cities kag municipalities, ang ginpaidalom sa Alert Level 1 tubtub Hulyo 15.

Nagapabilin naman sa Alert Level 2 ang iban pa nga mga lugar sa Negros Occidental. | Aksyon Marlon Genovea

HIMAMAYLAN MAY PINAKADAMO NGA DENGUE CASES SA NEG OCC

1,309 na ang kaso sang dengue hemorrhagic fever sa Negros Occidental subong nga 2022.

Sa dengue fever surveillance report sang Provincial Health Office, ini nga mga kaso ang narekord umpisa Enero 1 tubtub Hunyo 18, 2022.

Ini ang mas mataas sang 557% ikomparar sang nagligad nga 2021 sa amo man nga period.

May pinakadamo nga kaso ang Himamaylan – 142, Kabankalan – 118, San Carlos – 111, Hinigaran – 107 , kag La Carlota – 92. Nagdangat naman sa 7 ang mga nagkalamatay. Ini ang halin sa Toboso, Talisay, La Carlota, Hinigaran kag Himamaylan nga may tig-isa, samtang 2 naman sa banwa sang Calatrava. | Aksyon Marlon Genovea