NOVERO GINADUSO ANG STREET NAMING AND TRAFFIC SIGNAGE ORDINANCE

Share on facebook
Share on pinterest
Share on twitter
Share on print

Ginaduso ni Bacolod Councilor Renecito Novero ang Street Naming kag Traffic Signage Ordinance.

Suno kay Novero, nagakaangay lamang nga mabutangan sang ngalan ang dalan para mahapos nga matultulan kag bulig man sa mga taxi driver, travelers, kag commuters.

Sa idalum sang proposed ordinance, may yara sang pagatukuron nga Street naming and Traffic Signage Task Force nga manguna sa pagplano kag pagpatuman sang ordinansa.

Ginaduso ni Novero nga ang pamuno sang Bacolod Traffic Authority Office ang magaserbe nga chairperson sang task force samtang Vice-Chairperson ang City Engineer kag may pila ka mga miembro.

Magapain ang syudad sang 5 million pesos sa pagpatuman sang sini nga ordinansa.

Kaina sang aga, Lunes, sang nakapatigayon na si Novero sang public hearing sa sini nga proposal.

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.