Gin-ako sang Leonardo Panaligan Command New People’s Army, Central Negros Guerrilla Front nga sila ang responsable sa pagpatay kay Marvin Caramihan matapos ginluthang tinalikdan nga Martes, (Marso 28) sa sitio Minoro Golez, Brgy Quintin Remo, banwa sang Moises Padilla.
Suno kay Ka J.B. Regalado, madinalag-on nga ginpatuman sang Leonardo Panaligan Command, New People’s Army ang silot kamatayon batok kay Caramihan basi sa mando sang Rebolusyonaryong Korte sang Pumuluyo.
Dugang pa ni Regalado, si Caramihan isa ka kriminal kag Masupog nga Intel Asset sang 62nd IB, kag naga-usar sang pangalan sang NPA sa pagpangilkil sa mga pumuluyo sang Quinten Remo kag kaiping pa nga mga barangay.
Ginpahayag man ni Regalado nga makatlo ka beses gin-istorya, ginsaway kag ginpa-andaman sang NPA si Caramihan apang wala nagbag-o.
Si Caramihan man ang ginatudlo sang NPA nga naggiya sa pag”raid” sang 62nd IB sa yunit sang NPA sa sitio Binataan, barangay Quintin Remo, sa diin sanday Ka Jekoy kag ka Jorge sadtong Nobyembre 2022. | Aksyon Alvin Grava