NPA PATAY SA ENKWENTRO SA GUIHULNGAN

Share on facebook
Share on pinterest
Share on twitter
Share on print

Patay ang isa ka miyembro sang New People’s Army (NPA) sa engkwentro sa tunga sang 62nd Infantry Battalion kag NPA sa Sitio Banderahan, Barangay Trinidad, syudad sang Guihulngan, Negros Oriental las 6 kaina sang aga, Lunes.

Ang napatay ginkilala sa kay Victoriano Baldonado alyas ka Rudy, 34 anyos kag residente sang Sitio Amumuyong, Barangay Trinidad, syudad sang Guihulngan.

Suno kay 303rd Infrantry Brigade Commander Col. Inocencio Pasaporte, si Baldonado amo ang commanding officer sang Section Guerrilla Unit (SGU), Central Negros Front 1 (CN1), Komiteng Rehiyon Negros, Cebu, Bohol and Siquijor (KR-NCBS), nga naga-operate sa tri-boundaries sa syudad sang Guihulngan kag Canlaon sa Negros Oriental kag Moises Padilla, Negros Occidental.

Una ginpahayag ni 62nd IB Battalion Commander Lt CoL. William Pesase nga ang engkwentro naglawig sang lima ka minutos. 

Dugang pa ni Pesase, ginabulubanta lima ka mga miyembro sang NPA, ang gin-report sang pumoloyo sa barangay Trinidad nga nagpatigayon sang extortion activities sa lugar.

Samtang, na-recover sang military ang isa ka M16 nga may tatlo ka magazines. Nagapadayon pa ang manhunt operation sang militar batok sa NPA matapos nga nagtunga ini sa duha ka grupo.

What’s your Reaction?
+1
1
+1
0
+1
0
+1
0
+1
0
+1
0
+1
1

MORE STORIES:

LIKE US ON FACEBOOK

error: Ooops... You are not authorized to copy this content.