Isa lamang ka simple nga oath-taking kag inaugural ceremony ang patigayunon sa Sabado, Hunyo 25, 2022 para sa mga opisyal sang gobyerno probinsiyal sang Negros Occidental nga nagdaug nakaligad nga eleksyon.
Suno kay Governor Bong Lacson, wala na sang gin-imbetar nga national personality kundi mga local guest kag officials lamang halin sa Negros Occidental.
Si Lacson ang magapanumpa kay San Carlos City Branch 58 Presiding Judge Amy Alabado-Avellano.
Magapanumpa man si Vice Governor Jeffrey Ferrer , kag 12 ka mga Provincial Board Members.
Maga-umpisa ang seremonya alas 4 sang hapon. | Aksyon Marlon Genovea