OMBUDSMAN NAG MANDO NGA I-SUSPEND ANG ANUM KA MGA KAPITAN SA BACOLOD KAG NEGROS OCCIDENTAL BANGUD SA GIN ALEGAR MA ANOMALIYA SA SAP

Share on facebook
Share on pinterest
Share on twitter
Share on print

Pito sa 89 ka Punong Barangay sa bug-os nga Pilipinas nga ginpapanaugan sang suspension order sang Office of the Ombudsman bangud sa anomaliya sa Social Amelioration Program ang gikan sa Western Visayas.

Lakip sa ma-suspend sang 6 ka bulan amo sanday Tezardo Tejada sang Barangay To-oy, syudad sang Himamaylan, Negros Occidental, Romeo Sultan sang Barangay Salamanca Toboso, Negros Occidental, Ruel Sabequil sang Barangay Cabungahan banwa sang Calatrava, Evelyn Ta-asan sang Barangay 11 syudad sang Bacolod, Noli Villarosa sang Barangay Tangub, Bacolod, Kim Pirano sang Barangay 19, Bacolod, kag Tito Dipon Barnuevo sang Barangay Linao, Panay, Capiz.

Gin manduan naman ni DILG Secretary Eduardo Año ang tanan nga alkalde sang mga banwa kag syudad nga ipatuman ang suspensyon kon ila na mabaton ang order gikan sa opisina sang Ombudsman.

Iya man ginmanduan ang DILG regional kag field offices nga siguruhon nga ang mass suspension ang mapatuman base sa insakto nga proseso.

Ginpasalamatan ni Año si Ombudsman Samuel Martires sa pag-akto sang reklamo sang DILG.

Ginabaton ni Kapitan Villarosa ang suspension order nga ginpapanaog sang Office of the Ombudsman.

Suno kay Villarosa, indi makapugong sa iya ang suspension sa pagpangalagad sa publiko nga ginakabig sini nga isa ka hangkat sa ngalan sang serbisyo sa panahon sang pandemya.

Dugang pa ni Villarosa, nga indi problema gid man ini, bangod may panahon na siya para matutukan ang iya mga negosyo.

Samtang, ginkakibot ni Kapitan Tejada sang Barangay Tooy, syudad sang Himamaylan ang impormasyon nga kalakip ang iya ngalan sa suspension order.

Suno kay Tejada, wala niya ginapaabot ang nasambit nga mando matapos nga ginbasura na sang korte ang kaso nga ginpasaka sang CIDG Bacolod City field unit batok sa iya.

Plano naman nga mangusisa si Tejada agod athagon ang paglakip sang iya ngalan angot sa anom ka bulan nga suspension.

What’s your Reaction?
+1
0
+1
0
+1
0
+1
0
+1
0
+1
0
+1
0

116 KA MANUGSAGOD SANG BABOY SA TALISAY KAG SILAY NAKABATON SANG BULIG PINANSYAL

116 ka mga manugsagud baboy ang nakabaton sang bulig pinansiyal sa idalom sang Hog Raisers Assistance Program sang gobyerno probinsiyal sang Negros Occidental.

Ini nga mga benepisyaryo ang naghalin sa syudad sang Talisay kag Silay nga naapektohan sang pamalatian sang baboy, ilabi na ang hog cholera kag African Swine Fever (ASF).

Sa record sang Provincial Social Welfare and Development Office, may kabug-usan nga 5,000 ka mga benepisyaryo ang pagahatagan sang pinansiyal. Ang pagpanagtag ginapatigayon paagi sa ‘batch by batch’ sandig sa ila compliance sa mga ginaobligar nga dokumento.

Nagligad nga Pebrero, kapin sa 800 ka mga hog raisers sa 4th kag 5th districts nga ang ila mga ginasagud nga baboy ang nahalitan sang ASF, ang ginhatagan sang bulig pinansiyal.

Sa karon may mga hog raisers sa gihapon nga padayon naga-comply sa mga requirements, pareho sang certifications sa barangay kag Municipal Disaster Risk Reduction and Management Offices. | Capitol PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.