OPA: ASSESSMENT KINAHANGLAN PA ANTES ANG GINAPLANO NGA CLOUD SEEDING OPERATIONS

Share on facebook
Share on pinterest
Share on twitter
Share on print

Ginklaro ni Office of the Provincial Agriculture (OPA) Officer-in-charge Dr. Dina Genzola nga kinahanglan pa sang ‘assessment’ sang nagkalain-lain nga ahensiya sang gobyerno, ang plano nga cloud seeding operations sa Negros Occidental.

Suno kay Genzola diri mahibaluan kun kinahanglan gid man ang cloud seeding operation para mapahagan-hagan ang kahalitan sang dry spell ukon drought tuga sang el niño phenomenon.

Dugang ni Genzola , ginadeterminar pa sang OPA kun pila ka mga mangunguma ang kinahanglan nga hatagan sang bulig pinansiyal.

Ila man ginaberipika ang report may kaangtanan sa dugang nga kahalitan sang dry spell sa banwa sang Cauayan kag syudad sang Kabankalan.

Suno sa Philippine Atmospheric, Geophysical and Astronomical Services Administration (Pagasa) , ang Negros Occidental kag syudad sang Bacolod ang posible nga maka-experiensiya sang drought umpisa sa katapusan sang Pebrero tubtub Mayo subong nga tuig.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.