OPERASYON KONTRA COLORUM NGA TRICYCLE, LIWAT NGA GINPATUMAN

Share on facebook
Share on pinterest
Share on twitter
Share on print

Balik operasyon ang Task Force anti-colorum tricycle sa mga Barangay sa syudad sang Bacolod umpisa subong nga adlaw, Martes, Pebrero 20.

Ini matapos nga gin re-certify sang Bacolod Traffic Authority Office (BTAO) ang 28 ka mga volunteers matapos ang walo ka oras nga orientation angut sa mga ordinansa kag layi nga ginapatuman.

Ginpahayag ni Jose Antonio Robello, deputy head sang BTAO, tinalikdan nga tuig sang gin umpisahan ang ini nga kampanya sa pagpanguna ni Councilor Al Victor Espino pero temporaryo nga gin untat sang naglain ang liderato sa BTAO.

Para kay Robello, dapat ma recertify ang mga volunteers ukon ma edukar sa ginapatuman nga traffic rules.

Sa record ni Robello, ginabanta 15 mil ka mga tricycle ang nagabyahe sa Bacolod pero yara lamang sa 5 mil ang may prangkisa halin sa syudad.

Yara sa 1,500 ang penalidad kon nagabyahe nga wala sang prangkisa.

Magluwas sa volunteers, may pila ka motor cops halin sa Traffic Management Unit ang nagaupod sa operasyon.

Subong nga adlaw, Martes, 50 ka tricycle sa Barangay Mansilingan ang gindakop kag gin impound lakip na dire ang pito nga wala sang prangkisa. | BCD PIO FB Photo

What’s your Reaction?
+1
1
+1
0
+1
0
+1
0
+1
0
+1
1
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.