Temporaryo nga ginsuspender ang operasyon sang Municipal Health Office (MHO) kag Birthing Clinic sa banwa sang Don Salvador Benedicto, Negros Occidental bangud sa kakulang sang manpower.
Ini matapos ipaidalom sa quarantine ang pila ka mga staffs bangud sa COVID-19. Sa memorandum no. 001 series of 2022 nga ginpirmahan ni Municipal Health Officer Dr. Jabbel Jayawon, iya ginpahayag nga ang referral sa maternal, medical, kag surgical cases ang temporaryo nga hikutaron sang Municipal Disaster Risk Reduction and Management Office, sandig sa mga pagsulundan kag proseso sang one hospital command system sang gobyerno probinsiyal.
Magabalik ang regular nga operasyon sang MHO kag Birthing Clinic sa Enero 25. | Aksyon Marlon Genovea
What’s your Reaction?
+1
+1
+1
+1
+1
1
+1
+1
