OTORIDAD NA INTERCEPT ANG 59 ANYOS NGA MANANAGAT GIKAN CEBU NGA NAG ABOT SA CALATRAVA

Share on facebook
Share on google
Share on pinterest
Share on twitter
Share on print
(PCG Negros Photo)

Naaktuhan sang kapulisan sa banwa sang Calatrava ang isa ka 59 anyos nga lalaki nga sakay sa isa ka bangka gikan sa Cebu kag nagdungka sa shoreline sang Barangay Lemery, banwa sang Calatrava takna las 10:30 sang gab-i, Byernes nga adlaw.

Ang na intercept ang gin kilala kay Oliver Oberes, residente sang Barangay Lemery sa amo man nga banwa.

Suno kay Philippine Coast Guard (PCG)-Negros Commander Jansen Benjamin, gikan sa Barangay Tulic, Argao, Cebu si Oberes kag nagaisahanon nga nagbyahe padulong sa Calatrava sang apat ka adlaw.

Si Oberes ang ginturn-over sa Calatrava Municipal Health Office kag gin saylo sa Calatrava Evacuation Center Quarantine Facility para sa 14-day quarantine.

Hugot karun nga ginabantayan sang PCG ang mga baybayon sang Calatrava kag kaiping nga banwa kag syudad bangud nga suno kaay Benjamin ini ang lugar nga malapit sa probinsya sang Cebu.

Liwat naman nag nagapangayo sang kooperasyon kag bulig si Benjamin sa publiko nga ireport sa otoridad kun may mga persona nga nagpauli sa probinsya kag wala nag-agi sa insakto nga proseso. | Aksyon John Diaz

ISA PATAY SA PAGBUNGGO SANG MOTORSIKLO SA TRUCK

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

PONTEVEDRA PNP WALA PA SANG SUSPEK NGA MATUMOD SA PAGTIRO KAG PAGPATAY SA BABAYE

Nagapabilin nga blanko sa suspetsado ang Pontevedra PNP sa pagpatay sa isa ka 48 anyos nga babaye sa Banwa sang Pontevedra tinalikdan nga Sabado sang aga.

Suno sa hepe nga si PCapt. Hancel Lumandas, wala sang ebidensya nga makatudlo ukon makakilala sa mga suspetsado.

Sa gihapon utang ang nagapanguna nga angulo kag motibo ang ginatutokan sang kapulisan, kasunod nga may mga lending ini nga gin-utangan kag may warrant of arrest sadto sa estafa.

Madumduman patay si Melaurie Pagunsan sang ini ang luthangon sang riding in tandem Purok Perez, Barangay 2-Poblacion sa amo nga Banwa. | Aksyon Bryan Morden

MORE STORIES:

LIKE US ON FB

error: Ooops... You are not authorized to copy this content.