PAG REGULATE SA PAGBALIGYA SANG UNIFORM SANG PNP SA BACOLOD, GINADUSO

Share on facebook
Share on pinterest
Share on twitter
Share on print

Ginaduso ni Councilor Pao Sy nga i-regulate ang pagbaligya sang uniform sang mga pulis kag army sa syudad sang Bacolod.

Ini paagi sa proposed ordinance nga gin file ni Sy sa konseho.

Suno kay Sy, chair sang committee on fire, social defense and Natural Disaster, ang proposal ang base man sa pangabay sang Philippine National Police.

Ginpaathag ni Sy, may insidente na sadto sa Manila nga may nagabakal sang police uniform bisan indi man lehitimo nga pulis.

Suno sa Konsehal, may krimen man nga nagluntad sa Manila kag ginausar ang uniform sang pulis rason nga kinahanglan ini nga ma regulate.

Ginpaathag ni Sy, base sa proposed ordinance, kinahanglan may certification ang customer halin sa PNP antes makabakal sang police uniform.

Gintalana sa Marso 2024 ang public hearing ni Sy. | PNP FB File Photo

What’s your Reaction?
+1
0
+1
0
+1
0
+1
0
+1
0
+1
0
+1
0

15M GINPAIN PARA SA PAGBAKAL SANG 10K DOSES SANG PENTAVALENT VACCINES

Magabakal ang syudad sang Bacolod sang 10,000 doses sang pentavalent vaccine para sa masobra 3 mil ka mga bata.

Ginpahayag ni City Health Officer Dr. Ma. Carmela Gensoli, may yara karon sang existing pa nga bakuna ang CHO pero posible maubos sa masunod nga binulan bangud sa ginapatigayon nga mapping sang vaccination.

Suno kay Gensoli, nagpangabay ini sa alkalde sang 9,000 doses sang vaccine pero ginpasakaan sang alkalde sa 10,000 doses.

Ang ini nga bakuna ang proteksyon batuk sa diphtheria, tetanus, pertussis, haemophilus influenza B, kag hepatitis.

Suno kay Gensoli, magahalin sa Bacolod CDRRMO ang pondo sa pagbakal sang bakuna balor 15 milyones pesos.

May ginapaabot man ang Bacolod CHO sang sini nga bakuna halin sa Department of Health.

What’s your Reaction?
+1
0
+1
0
+1
0
+1
0
+1
0
+1
0
+1
0

LAPSAG SA NEG OCC GINBAWIAN KABUHI BANGUD SA PERTUSSIS

Nakarekord ang Negros Occidental sang isa ka patay bangud sa pertussis disease.

Suno kay Provincial Health Officer Dr. Ma. Girlie Pinongan, napatay ang bata nga pasyente samtang naka-admit sa Doña Corazon Locsin Montelibano Memorial Regional Hospital nagligad nga semana, antis mag-gwa ang resulta sa specimen laboratory examination.

Dugang ni Pinongan, may kabug-usan na nga lima ka mga kaso ang probinsiya, lakip na ang pasyente nga napatay, lima ka mga specimen nga nag-negatibo kag 26 nga probable cases.

Ginklaro ni Pinongan nga kontrolado sa gihapon ang kaso, kag nagalaum nga indi na magdamo pa samtang ginahulat ang pag-abot sang Pentavalent vaccines.

Ginpanugyan ni Pinongan sa mga ginikanan nga indi na pagdal-on sa mga matawo nga lugar ang kabataan, agud indi madapuan sang amo nga masakit.

Pinakatigulang nga pasyente sang pertussis disease sa Negros Occidental, ang naga-edad sang 62 anyos.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.