Nagapangabay ang Land Tax Division sang Bacolod City Treasurer’s Office (CTO) sa mga taxpayers nga magbayad sang timprano sang ila nga real property tax para makakuha sang 20% discount para sa advanced payment.
Gin anunsyo ni Acting City Treasurer Arlene Memoria, limitahan sang ila opisina ang kliyente nga serbisyohan umpisa Disyembre 1 bilang apgsunod sa minimum health protocols sang LGU kag National IATF.
Magabaton ang CTO sang advanced RPT payments umpisa Disyembre 1 tubtob 31 sa 3rd floor sang Ayala Malls Capitol Central umpisa las 10 sang aga tubtob las 5 sang hapon, magluwas na lamang kon adlaw sang Domingo.
Bukas man ang CTO sa Disyembre 4, 11 kag 18 ukon Sabado nga adlaw, kag sa Disyembre 8 kag 30 ukon non-working holidays.
Nagpanugyan si Memoria sa mga taxpayers nga magdala sang ila sadto official receipt ukon Tax Declaration para insakto nga ma indentifu ang ila propedad.