MENU

PAGBUTANG SANG GARBAGE STORAGE FACILITY SA PRIBADO NGA ESTABLISAMENTO, GINAPANGABAY

  • at 5:53 pm
Share on facebook
Share on pinterest
Share on twitter
Share on print

Nanawagan si Councilor Claudio Jesus Puentevella sa tanan nga pribado nga mga establisamento nga mag establisar sang garbage storage facility bilang pagsunod sa City Ordinance No. 250 series of 2000.

Ini paagi sa resolusyon ni Puentevella nga gin aprubahan sang konseho kag ang pangabay ang address sa Bacolod Environment and Natural Resources Office (BENRO) paagi sa opisina ni Mayor Albee Benitez.

Ginpahayag ni Puentevella, chair sang committee on environment, paagi sini mas mahapos ang pagkolekta sang kontraktor sang ila napain na nga basura sang establisamento.

Suno sa Konsehal, antes nga mahatagan sang business permit ang mga establisamento, ang BENRO amo ang magapatigayon sang inspection sang garbage storage facility.

Ginpahayag ni Puentevella, antes ang resolusyon, may mga dumaan na nga negosyo ang nakahibalo sang ordinansa pero sang natukod ang BENRO, wala na istrikto ang pagpatuman sini.

What’s your Reaction?
+1
0
+1
0
+1
0
+1
0
+1
0
+1
0
+1
0

SALANGA GINDESIGNAR NGA ACTING MAYOR SANG TATLO KA ADLAW

December 6, 2023

Gin designar si Councilor Israel Salanga bilang acting mayor sang syudad sang Bacolod sang tatlo ka adlaw.

Base sa memorandum nga gin isyu ni Mayor Albee Benitez, acting Mayor si Salanga sa Disyembre 5 tubtob 7, 2023.

Si Vice Mayor El Cid Familiaran naman ang magaserbe nga acting Mayor sa Disyembre 8, 2023.

Suno kay Salanga, nagdululungan ang mga aktibidades sang mga opisyal kaangay sang Philippine Councilors League assembly kag nagkadto si Familiaran sa Manila para sa Local Legislative Awards 2023.

Ginpahayag sang konsehal,

Suno sa konsehal, wala man sang importante nga mga butang nga gin bilin ang alkalde.

Si Benitez ang nagbyahe sa Macau, China para sa pagsinapol sang Regional Development Council.

Ini na ang ikaduha nga tion nga gin designar ni Benitez si Salanga bilang acting mayor.

What’s your Reaction?
+1
0
+1
1
+1
0
+1
0
+1
0
+1
0
+1
0

29.9M NGA DROGA GINSUNOG SANG PDEA-NOCPPO

December 6, 2023

Naglab-ot sa masobra P29,908,000 nga balor sang shabu nga nagabug-at sang masobra 4,346 gramo kag masobra P226,000 nga balor sang marijuana nagabug-at sang masobra 1,358 gramo ang ginsunog sang PDEA-NOCPPO sa Acropolis Gardens, Brgy. Bata, syudad sang Bacolod ala 1 sang hapon, Disyembre 6, 2023.

Ang mga ilegal nga droga ang nakumpiskar sang PDEA sa syudad sang Bacolod kag sa pila ka lugar sa probinsya sang Negros Occidental.

Suno kay PDEA 6 Assistant Regional Director 2 Marjorie Ballesteros, ang mga illegal drugs ang kabahin sang mga drug cases gikan sa nagkalain-lain nga mga korte sa Bacolod kag Negros Occidental sa nakaligad nga mga tinuig kag ginmandu sang korte ang disposal .

Ginklaro ni Ballesteros nga antes pa sunogon ang mga droga nadesisyonan na ang mga kaso sang nagkaladakpan sa korte.

Dugang pa, isa sa tinutuyo sa pagsunog agud malikawan ang mga alegasyon nga gina-recycle sang otoridad ang ilegal nga droga.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.