PAGKAWAT SANG TAKLOB SANG MANHOLE SA DALAN ARANETA, NAKUHAAN SANG VIDEO

Share on facebook
Share on pinterest
Share on twitter
Share on print

Gindayaw ni Bacolod Mayor Albee Benitez ang ginhimo sang isa ka concerned citizen nga pagreport sa iya paagi sa pagpadala sang video nga pagkawat sang taklob sang manhole sa dalan Araneta, sa Barangay Singcang-Airport.

Naglawig ang video sang masobra isa ka minutos sa diin makita nga gintuyo nga ipalagyo ang taklob sang manhole nga ginsakay sa tricycle.

Duha sa mga pasahero sang tricycle ang nagpalagyo samtang ang driver naman ang nagpakitlouy kag ginbalik ang taklob sang manhole.

Sa speech ni Mayor Albee Benitez sa flag raising ceremony subong nga aga, Lunes, iya ginpahayag nga Dominggo sang gab-i sang iya nabaton ang video.

Mabatian sa video ang tingog sang concerned citizen nga indi luyag sang alkalde ang ini nga hilikuton.

Suno sa Alkalde, ini ang pagsugod sang pagbag-o nga indi lang opisyal ang nagahimo sang aksyon kundi lakip man ang mga pumuluyo.

Para kay Benitez, nanamian ini bangud ang tawo ang may yara na sang pagsalig sa gobyerno.

Samtang, liwat nagpahanumdom si Benitez sa iya nga speech sa mga empleyado nga wala dapat sang color coding sa Bacolod City Hall.

What’s your Reaction?
+1
1
+1
0
+1
0
+1
0
+1
0
+1
0
+1
0

PROTESTA KONTRA CHARTER CHANGE, GINPATIGAYON

Nagprotesta ang pila ka mga personalidad sa Negros Occidental kontta sa ginaduso nga charter change (chacha) kadungan sa ika-38 nga komemorasyon sang Edsa People Power kahapon Pebrero 25, 2024.

Ini ang ginpamunuan nanday Most Rev. Gerardo Alminaza, obispo sang Diocese of San Carlos kag anay Governor Rafael Coscolluela.

Kapin 700 ka mga indibidwal halin sa multi-sectoral nga grupo ang nag-martsa halin sa Lagoon pakadto sa dalan Gonzaga atubang sang BCGC replica.

Suno kay Alminaza, imbes nga chacha, dapat tutukan sang mga lideres sang nasyon ang peacebuilding kag sulbaron ang armed conflict.

Dugang pa sang obispo, ang People’s Coalition for Democracy Negros ang nagapanawagan man sa mga Filipino nga ibasura ang anu man nga agenda sang chacha kag ipabilin ang legasiya sang people power.

What’s your Reaction?
+1
0
+1
0
+1
0
+1
0
+1
0
+1
0
+1
0

GINALEGAR DRUG PERSONALITY GINTIRO, PILASON

Ginabulong sa San Carlos City Hospital ang isa drug personality matapos ginluthang sa Zone 5, Brgy. 5, syudad sang San Carlos, alas 3:20 sang hapon Sabado, (Feb. 24).

Ang biktima ginkilala kay Regie Villana kag residente sang sang amo nga lugar samtang ang suspek ginkilala naman kay Lionio Pastrana 25 anyos kag residente sang Sitio Agtotonoy, Brgy. Prosperidad.

Sa inisyal nga pagpangusisa ni PMaj. Ryan Villasario, deputy chief of police sang San Carlos City PNP, samtang nagapauli l si Villana sa iya puloy-an, sa ginbantayan kag hungod nga ginluthang ni Pastrana gamit ang cal. 45 pistol.

Gilayon nga gindala sa ospital si Villana matapos nakaangkon samg pilas sa tiyan kag kamot.

Sa sa bulig sang CCTV, nakilala kag nadakpan ang suspek nga karon nahunong na sa custodial facility sang San Carlos City PNP.

Narekober sang mga otoridad ang isa ka unit sang .45 cal pistol nga may (7) pito ka mga bala.
Away sa ilegal nga druga ang ginalantaw nga motibo sa pagluthang.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.