PAGPA BOOSTER SHOT KONTRA COVID-19 SA PROBINSYA NAGAPABILIN NGA MANUBO – PHO

Share on facebook
Share on pinterest
Share on twitter
Share on print

Gin-ako ni Dr. Ernell Tumimbang, Provincial Health Officer nga manubo sa gihapon ang daily output sang nagapabakuna ilabi na ang nagapabooster kontra COVID-19.

Suno kay Tumimbang, may kabudlayan sa gihapon nga malambot ang target nga mabakunahan sa probinsya sa pihak nga nagalansar sila sa kada Local Government Units sang PinasLakas nga iya man sang gobyerno nasyunal.

Dugang pa ni Tumimbang, tubtob Setyembre 30 ang ini nga programa kag wala sila naga-untat sa pag engganyo sa mga pumuluyo nga magpabakuna.

Ginpahayag ni Tumimbang nga importante man ang magpabooster shot para sa dugang nga protekta.

Nagapadayon man ang ginapatigayon nga house-to-house vaccination sang probinsya sa mga senior citizens agud malambot ang 90% nga vaccination rate nga gintalana sang DOH. | Aksyon Eden Aboso via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

OPERASYON SANG 15 STALLS SA MANOKAN COUNTRY BALIK NA SA NORMAL MATAPOS ANG COMPROMISE AGREEMENT

Ginpahayag ni City Legal Officer Romeo Carlos Ting Jr. nga may yara na sang compromise agreement ang 15 ka mga ginpasira nga stall sa Manokan Country.

Suno kay Ting, las 5 sang hapon sang Lunes, nagpadulong ang mga tenant sa City Treasurer’s Office para sa compromise agreement kon paano nila mabayaran ang ila utang.

Lunes sang aga sang ginpapanaugan sang closure order ang 15 ka mga pwesto sa Manokan Country matapos wala makabayad sang utang sa gintalana nga deadline nga Setyembre 30, 2022.

Lunes sang gab-i sang balik na sa normal ang operasyon sang mga stall nga ginpapanaugan sang closure order.

Sa record sang syudad, may 7.1 million pa ang utang sang ginpapanaugan sang closure order.

Para Kay Ting, nakahibalo sila nga may MassKara Festival, pero ila lamang gina obra ang ila trabaho kag tuyo nga makagawad sang business permit ang mga may pwesto kag ma inspeksyon sa kada tuig para sa sanitary permit para sa kaayuhan sang mga nagakaon sa lugar.

What’s your Reaction?
+1
0
+1
0
+1
0
+1
0
+1
0
+1
0
+1
0

72 KA DEPEKTIBO NGA KILOHAN SA MERKADO SA CADIZ, GINPANGGUBA

Naglab-ot sa 72 ka depektibo nga kilohan sa merkado sa syudad sang Cadiz ang ginpangguba subong nga adlaw, bilang pagtinguha sang lokal nga gobyerno sang syudad nga maproteksyunan ang mga bumalakal batok sa mga nagapangdaya sa kilo nga mga negosyante.

Sa interview sa Aksyon Firing Line, ginpahayag ni Cadiz City Mayor Salvador Escalante nga binulan man ang monitoring sang syudad kasunod sang madamo nga reklamo sa wala na nagasanto’ nga kilo sang ila ginabakal kaangay sang karne kag iban pa.

Gintawag naman ni Escalante nga alarming ang kadamuon sang nakumpiskar nga depektibo nga mga kilohan kag nanawagan sa mga negosyante nga untaton na ang pangpangdaya tungod magapadayon ang syudad agod matapna ang mga ini.

Ang tikang sang syudad may kaangtanan sa ginaselebrar subong nga bulan nga Consumer’s Welfare Month. | Aksyon Ann Defensor-Lisay | via Firing Line | October 4, 2022

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.