PAGPASIRA KAG REHABILITASYON SANG SANITARY LANDFILL CELL NO. 1 GINADUSO

Share on facebook
Share on google
Share on pinterest
Share on twitter
Share on print

Ginpangabay sang Sangguniang Panlungsod ang Solid Waste Management Board paagi sa ila chair nga si Mayor Bing Leonardia nga magtukod sang technical working group nga mag preparar kag kag ipatuman ang pagsira kag rehabilitasyon sang sanitary landfill cell no. 1. 

Ini ang base sa resolution nga ginduso ni Councilor Carl Lopez, chair sang committee on environment, nga unanimous nga gin aprubahan sang konseho.

Suno sa Konsehal,base sa iya nga datus, 2019 sang napuno na ang cell no. 1 kag ini ang dapat nga ipasira kag ipaidalum sa rehabilitasyon.

Ginpahayag man ni Lopez, nga wala sa gihapon natuman ang insakto nga waste segregation kag gina panan-aw nga sa Disyembre 2021, mapuno naman ang cell no. 2.

Suportado ni Lopez ang Public Private Partnership ukon PPP para sa pagtukod sang bag-o nga sanitary landfill sa area sa gihapon sang Barangay Felisa.

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.