PAGSAKA SA PLETE SA PMVS, BUS, JEEP KAG TAXI EPEKTIBO NA SA OKTUBRE 3

Share on facebook
Share on pinterest
Share on twitter
Share on print

Ginkumpirmar ni Atty Jun Altura, spokesperson sang LTFRB 6 nga mangin epektibo na sa Oktubre 3 ang pagsaka sa plete sa PMVS, Bus, Jeep kag Taxi.

Ginpahayag ni Altura nga nagpagwa sang apat ka nagkalain-lain nga desisyon angut sa saka sang pletehan ang Department of Transportation sang tinalikdan nga Setyembre 16 kag gin-publish ini sang Setyembre 18 kag maga epekto ini matapos ang 15 diyas.

Yari ang bag-o nga saka sa plete:

TAXI
-additional 5 pesos sa flag down (From 40 nangin 45 na ang plete)

JEEP
*Traditional Jeepney
-12 pesos minimum fare + 1.80 per succeeding kilometers
*Modernized Jeep
-14 pesos minimum fare + 2.20 per succeeding kilometers

BUS
*Regular
-11 pesos minimum fare + 1.90 per succeeding kilometers
*Aircon
-11 pesos minimum fare + 2.10 per succeeding kilometers
*Delux
-11 pesos minimum fare + 2.25 per succeeding kilometers
*Super Delux
-11 pesos minimum fare + 2.35 per succeeding kilometers
*Luxury
-11 pesos minimum fare +2.90 per succeeding kilometers

Grab
-Additional 5 pesos sa flag down

Gin-klaro man ni Altura nga kinahanglan nga magkuha ang operator sang ‘fare matrix’ ukon ‘fare guide’ sa talatapan sang LTFRB kag ibutang ini sa mga nagabiyahe nga unit bangud kun wala sang nakatapik nga matrix nga makita ang pasahero, wala sang puder ang driver nga manukot sang saka sa plete.

Dugang pa sini nga gin-mando man sa desisyon nga dapat ihatag ang 20% nga discount sa mga estudyante, PWD kag senior citizens .

What’s your Reaction?
+1
0
+1
0
+1
0
+1
0
+1
0
+1
0
+1
0

POLICE STATION 2 GINPASANYOG PA ANG KAMPANYA KONTRA KRIMINALIDAD

Padayon ang kadalag-an sang Bacolod City Police Station 2 sa mas ginpasanyog nga kampanya batuk sa tanan nga sahi sang kriminalidad kun sa diin madamo ang nagkaladakpan nga mga persona nga may nagkalain-lain nga kaso.

Suno kay Police Captain Paul Vincent Pendon, hepe sang Bacolod Police Station 2, anum ang naaresto sa lima ka drug buy-bust operations nga nagresulta sa pagkumpiskar sang 2,104,389 nga balor sang ilegal nga droga nga nagabug-at sang 309.469 gramos.

Naaresto man ang duha ka most wanted person kag isa diri ang MWP sang station level samtang anum naman ang nadakpan nga other wanted persons.

Sa anti-illegal gambling operations 33 ka indibidwal naman ang nagkaladakpan sa 12 ka operations nga gin patigayon.

Nagapasalamat ang hepe sa mga kaupdanan sa wala untat kag dedikado nga pagtrabaho kasubong man sa kooperasyon sang pumuluyo sa area of responsibility sang Police station 2.

Madumduman nga sa ika -120 kag ika- 121 nga Police Service Anniversary Celebration ang Bacolod City Police Station 2 ang nakabaton sang pareho nga pasidungog nga Best Numbered City Police Station kag Best Unit Campaign Against Illegal Drugs Numbered City Police Station Level. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MASSKARA FESTIVAL SITES SA AREA SANG POLICE STATION 1 NAGAPABILIN NGA MATAWHAY

Nagapabilin nga wala sang problema ang tatlo ka area of responsibility (AOR) sang Bacolod City Police Station 1 nga amu ang, Bacolod City Public Plaza, Carnival kag Baywalk.

Ginpahayag ni Police Major Ramel Sarona ,hepe sang Police station 1 nga maayo kay naga kooperar man ang mga nagabantay sang kiosko kag mga katawhan nga nagalagaw sa ila AOR.

Suno sa hepe may yara 110 nga PNP personnel ang nakadeploy sa ila nga area ,rason nga hugot ang seguridad sang mga tawo.

Palayag ni Sarona wala man sila may nakuhaan sang deadly weapon sa ila pag tsekyar sa mga tawo nga nagasulod sa Plaza halin sa pagsugod sang Masskara Festival.

Samtang hugot man nga ginadilian ang pagpanigarilyo sa pampubliko nga lugar kag paglagaw samtang may dala nga botelya sang anuman klase nga makahulubog nga ilimnon. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.