PAGSULOD SANG BABOY UKON PORK PRODUCTS SA IBAN NGA LUGAT GINATUGUTAN NA SANG BACOLOD LGU

Share on facebook
Share on pinterest
Share on twitter
Share on print

Ginatugutan na sang Bacolod LGU ang pagsulod sang baboy, boar semen, pork products, kag iban pa nga pork related items sa syudad sang Bacolod.

Ini ang base sa executive order no. 9 nga ginpirmahan ni Mayor Albee Benitez.

Nasaad sa probisyon sang mando nga nagasaka ang demand sang baboy nga produkto kag kinahanglan nga mag isyu sang dugang nga mando base man sa guidelines sang Department of Agriculture sa tuyo nga malikawan ang pamahog sa shortage sang baboy kag malikawan ang paglapta sang ASF.

Ginpahayag ni Councilor Jude Thaddeus Sayson, antes nagwa ang EO No. 9 sang alkalde, nagpagwa sang joint executive order no. 1 si Benitez kag Governor Eugenio Jose Lacson nga naga-set aside sa Executive Order No. 1 series of 2023 ukon ang guidelines sa pagpasulod sang pork ukon pork products halin sa mga lugar nga may ASF.

Bangud sini, maga isyu na ang Bacolod LGU kag Negros Occidental sang kanya-kanya nga guidelines sa pagpasulod sang baboy.

Suno kay Sayson, makabig na nga ASF Free ang Bacolod kag Negros Occidental bangud wala sang may na report nga mga ASF case sang pila na ka bulan.

SAYSON, GINAPAABOT ANG PAGNUBO SANG PRESYO SANG BABOY

Ginapaabot ni Councilor Sayson, nga maganubo ang presyo sang baboy sa mga merkado sa Bacolod kasunod sang pagtugot sang syudad nga magpasulod sang baboy sa iban nga lugar.

Damlag lang, ginreport sang otoridad nga naglambot na sa 410 pesos ang kilo sang baboy, mas mataas sang sa baka nga yara sa 360 pesos ang kada kilo.

Ginkumpirmar ni Sayson nga may 500 heads sang baboy ang maga abot sa syudad sa masunod nga semana halin sa Bohol nga wala sang kaso sang ASF.

Suno pa kay Sayson, kon may maga abot guid man nga baboy para sa Bacolod, ini ang magalabay lamang sa BREDCO kag Banago Port.

What’s your Reaction?
+1
0
+1
0
+1
0
+1
0
+1
0
+1
0
+1
0

PILA KA LGUs SA PROBINSYA GINATAN-AW MAY ENKWENTRO SA PAGKA ALKALDE KAG KONGRESISTA SA 2025

Pila ka mga lugar sa Negros Occidental ang ginalantaw ni Governor Bong Lacson nga may engkwentruhanay sang mga kandidato sa pagka-kongresista kag alkalde sa Mayo 2025 nga eleksyon.

Suno kay Lacson, posible nga may engkwentruhanay sa pagka-alkalde sa syudad sang Talisay, Silay, Kabankalan , banwa sang Isabela, San Enrique, kag Valladolid.

Sa ika-anom nga distrito, ginsiling sang gobernador nga indi pa klaro kun madayon ang ginakuno-kuno nga engkwentruhanay sa pagka-kongresista.

Dugang pa ni Lacson, daku man ang posibilidad nga may kasumpong si incumbent Cong. Dino Yulo.

Liwat nga ginkompirmar ni Lacson ang iya nga pagpapili bilang gobernador sa 2025 nga eleksyon.

What’s your Reaction?
+1
0
+1
0
+1
0
+1
0
+1
0
+1
0
+1
0

TERMINATION SANG JVA CONTRACT SANG BACIWA-PRIMEWATER, GINAKONSIDERAR NI MAYOR ALBEE

Ginakonsiderar ni Mayor Albee Benitez nga i-terminate ang kontrata sang joint venture agreement sa tunga sang Primewater kag BACIWA ukon re-negotiation.

Sa press conference, Lunes, ginpahayag ni Benitez nga nagpangayo ini sa BACIWA sang listahan sang mga bayolasyon sang Primewater sa ginsudlan nga kontrata.

Isa sa ginbasehan ni Benitez nga bayolasyon amo ang section 5.1.2 sang kontrata, nga sa sulod sang lima ka tuig halin 2020, dapat masiguro ang 24 oras nga tubod sang tubig sa katapusan sang ikaduha nga tuig, nga tubtob karon wala na comply.

Ginapasabat ni Benitez ang BACIWA kon ano ang ila nga nahimo sa mga bayolasyon sa kontrata kag kon may penalidad nga ginpapanaug batuk sa Primewater.

Nagapangayo man si Benitez sa BACIWA sang water security plan nga indi lamang sabat sa epekto sang El Niño kundi diin tubtob ang water supply sang syudad.

Suno sa Alkalde, naga claim ang BACIWA nga 90 million liters a day (MLD) lamang ang kinahanglan sang Bacolod pero 125 MLD ang ginarekomendar sang mga eksperto para sa syudad matapos ang ginpatigayon nga verification.

Ginaduso ni Benitez nga may yara sang buffer plan sang tubig ang syudad kag nagsuhestyon nga ang mga deep wells sang Primewater ang dapat reserba sa tion sang emerhensya kag indi ini pag himuon nga primary source of water.

Liwat nga ginpakamalaot ni Benitez ang mga bag-o nga post sa social media nga nagapakita sa malubog nga tubig kag ang suhestyon nga ilisan na ang madaan nga mga tubo.

Bangud sini, nagapahayag si Benitez nga wala sang concrete investment ang Primewater para mapaayo ang ila serbisyo matapos ang apat ka tuig.


Ginklaro ni Benitez nga ‘done deal’ na ang JVA sang Primewater-Baciwa antes ini nagpungko bilang alkalde sang Bacolod.

ALBEE: WALA PA SANG MAY NAPIRMAHAN NGA KONTRATA MATAPOS ANG WATER SUMMIT

Tubtob karon wala sang kontrata nga nakita si Mayor Albee nga ginsudlan ang Baciwa-Primewater kaupod ang water supplier matapos ang water summit nagligad nga Enero 2024.

Ginpahayag ni Benitez, may mga water supplier nga nagahimo karon sang inisyatibo nga mag install sang mga water pipes bisan wala pa sang ginkasugtan nga kontrata.

Suno kay Benitez, may mga verbal agreement pero wala sang may nakita nga signed contract nga gin promisa sa iya nagligad nga water summit.

Una na nga ginkasugtan sa water summit nga ma deliver sang Baciwa-Primewater ang 20MLD nga shortage sang tubig sa sulod sang anum ka bulan.

Ang injection point 2 sang Bacolod Bulk Water Incorporated sa Murcia ang target makadeliver sang 15 million liters a day samtang magahalin naman sa spring water sa Barangay Alangilan ang dugang nga 5 million liters per day.

May proposal man nga magtukod sang water supply kag filtration facility kag maka deliver sang dugang nga 20MLD halin sa Matab-ang river.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.