Nag-areglohay na ang pamilya sang napatay nga Senior Citizen kag abogado nga nakabunggo sa biktima nga nagresulta sang iya kamatayon.
Ini ang resulta sa pag-atubangay sang pamilya ni Aquilino Cambelisa Jr. upod sa ila abogado kag Atty. Roger Jalandoon.
Suno kay Police Major Ritchie Gohee, hepe sang Police Station 4 ginkasugtan sang magtimbang nga mahatag sang financial support si Jalandoon sa hospitalisasyon kag pagpalubong kay Cambelisa.
Dugang pa ni Gohee, magapermahanay ang pamilya Cambelisa kag Alandoon pamatuod nga wala na sang pinasakaay sang kaso.
Madumduman Huwebes sang gab-i Hunyo 16 sa La Salle Avenue Barangay Villamonte nagtabok sa dalan si Cambelisa sang mabunggoan ni Jalandoon nga sadto nagamaneho sang awto. | Aksyon Eric Magbanua