Sa masunod nga semana ginapaabot nga mag full-swing na ang paglibot sang Bacolod Anti-Smoking Task Force sa syudad sang Bacolod.
Si Jonald Pamposa ang liwat nga gin-appoint ni Mayor Albee Benitez bilang action officer sang Task Force.
Siya ang sadto nanguna man sa task force sang tinalikdan nga administrasyon pero nauntat ang ila pagpanakop bangud sa pandemya.Ginpahayag ni Pamposa, nga subong nga semana magasapol ang Task Force kaupod ang City Legal Office, BCPO, kag iban pa nga miembro.
Prayoridad nga padulongan sang task force ang mga lugar malapit sa eskwelahan, hospital, public parks, merkado, Bacolod Government Center kag iban pa.
Suno kay Pamposa, magluwas sa operation, ila man i-edukar ang pumuluyo angut sa halin sang sigarilyo sa ikaayong lawas ilabi na sa mga ginatawag nga second-hand smoker.
Nanawagan man si Pamposa sa mga tiange nga indi magbaligya sang sigarilyo sa mga menor de edad bangud pwede sila nga papanaugan sang penalidad.
