PANGAYAW NASAPWAN NGA PATAY SA BACOLOD

Share on facebook
Share on pinterest
Share on twitter
Share on print

Patay si alyas “Michael” matapos makita kaina sang kaagahon, Sabado sa Taculing Road Corner City Heights. Subd Barangay Taculing syudad sang Bacolod.

Suno kay Police Capt. Dax Santillan, hepe sang Police Station 6, estoryahon niya ang pamilya ni alyas Michael kon paano nakalambot sa syudad sang Bacolod ang biktima apisar nga tumandok ini sa syudad sang Kabankalan.

Si alyas Michael ang nakaangkon sang pilas sa dughan kag indi pa sigurado ukon ini gintiro ukon ginbuno.

Suno kay Santillan, wala sila sang may narekober nga bala, basiho ukon kotselyo sa crime scene.

Pangabayon ni Santillan ang pamilya nga ipa-idalom sa autopsy ang bangkay sang biktima agod mahibaloan ang gintunaan sang iya kamatayon.

Nakalab-ot ang report kay Santillan ang utod nga babaye sang biktima ang maka-duha ka bisis madakpan sa kaso nga illegal drugs kag detinido sa costudial facility sang Kabankalan PNP.

What’s your Reaction?
+1
0
+1
0
+1
0
+1
1
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

CHO: WALA SANG CLUSTERING SANG PERTUSSIS SA BACOLOD

Wala gina rekomendar sang Bacolod City Health Office ang pag deklarar sang outbreak sang pertussis.

Ini matapos nagsaka sa anum ka mga kaso sang pertussis ang na record sa syudad.

Sa press conference, Lunes, ginpahayag ni City Health Officer Dr. Ma. Carmela Gensoli, wala sang clustering sang pertussis sa syudad sang Bacolod.

Nagpasiguro si Gensoli nga preparado ang mga hospital sa Bacolod sa sini nga mga kaso.

Padayon nga ginapanawagan sang Bacolod CHO nga kompletuhon ang bakuna sang mga bata bilang proteksyon sa mga masakit.

Ginpahayag ni Dr. Jevi Marie Ortoño, Medical Officer III kag National Immunization Program Medical Coordinator, sang 2023, yara lamang sa 60% sang 11 mil nga target population sang mga bata nga manug edad isa ka tuig ang nabakunahan.

Suno kay Ortoño, subong nga 2024, yara sa 10 mil ang target population sang mga bata ang target nga makompleto ang bakuna sa pag edad sang isa ka tuig.

Ginpaathag ni Ortoño, lakip sa mga rason nga nagapamalibad ang ginikanan sa bakuna amo nga nagamasakit ang ila bata, wala ang ginikanan sa balay para maghatag permiso sa pagbakuna, ang kabalaka sa side effects kag may yara sang wala nagapati sa bakuna.

Suno kay Ortoño, padayon nila nga gina edukar ang publiko nga mas mataas ang benepisyo sang mahatag sang bakuna sa mga kabataan.

Para kay Dr. Gensoli, preventable kag curable ang pertussis.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.