PARTIAL ROAD CLOSURE IPATUMAN SA CHRISTMAS FESTIVAL OF LIGHTS 2023 PARADE

Share on facebook
Share on pinterest
Share on twitter
Share on print

Ipatuman sang Bacolod Traffic Authority Office ang partial road closure lamang sa dalan Burgos tubtob sa Circumferential Road pakadto Bacolod City Government Center para sa Christmas Festival of Lights 2023 Parade sang STI-West Negros University sa Sabado sang hapon, Disyembre 2, 2023.

Ginpahayag ni Jose Antonio Robello, deputy head sang BTAO, maga sira ang dalan sa Burgos sa atubangan sang STI-WNU kag bangga City Health Office nga maga serbe nga assembly area sang mga floats kag mga participants.

Ang aktwal nga parada ang maga umpisa sa Police Station 4.

Suno kay Robello, two lanes pakadto East ang pagausaron sa parada samtang ang nabilin nga two lanes ang malabyan sa gihapon sang mga salakyan kag ini man nga sistema ang ipatuman sa dalan Circumferential.

Ginklaro ni Robello nga wala sang re-routing nga ipatuman sa sini nga aktibidad.

Sa bahin sang dalan Lopez Jaena sa Bangga Patyo, pwede nga mapa untat ang parada kag palabyon ang mga salakyan.

May 25 ka mga traffic enforcers ang ipalapta sa East kag may dugang man nga mga motor cops kag POSO personnel nga maga augment sa sini nga aktibidad.

Ginpahayag ni Councilor Jason Villarosa, chair sang committee on tourism, nga wala ma aprubahan ang pangabay sang STI-West Negros University nga mausar ang The Upper East Avenue sa sini nga aktibidad.

Suno kay Villarosa, bangud sa nagadamo ang occupancy sa mga condominiums sa The Upper East, wala makakuha sang approval ang buluthuan.

Wala man sang bisita nga gin imbitar ang LGU halin sa nasyunal.

Sa sini nga kahiwatan, may patigayunon man nga lights on ceremony sa 15-feet nga Christmas Tree sa BCGC kag iban pa nga Christmas Decorations.

Ang ini nga festival ang base sa ordinansa sang Bacolod LGU nga karon tatlo na ka tuig nga partner sa STI-WNU.

Samtang, ginkumpirmar ni Villarosa nga may Christmas decorations man nga ibutang sa Bacolod Public Plaza.

What’s your Reaction?
+1
0
+1
0
+1
0
+1
0
+1
0
+1
0
+1
0

BANGKAY NGA NASAPWAN SA BARANGAY TACULING, NAKILALA NA

Ginkumpimar ni PCapt. Dax Santillan, hepe sang BCPO Police Station 6, nga nakilala na ang bangkay sang isa ka call center agent matapos nasapwan nga wala na sang kabuhi sang Sabado, Pebrero 24 sa corner Circon st Corazon Aquino Drive, Barangay Taculing, syudad sang Bacolod.

Suno kay Santillan, ang biktima ginkilala kay Michael Johann Christian Persey, 29 anyos kag residente sang Repullo St. Barangay 5, syudad sang Kabankalan.

Dugang pa ni Santillan, nagpadulong sa opisina sang Police station #6 ang iloy ni Persey kag positibo nga ginkilala sini ang iya bata matapos nagpadulong sa Morgue sang Bacolod Adventist Medical Center.

Ginapahayag man ni Santillan nga nagpamalibad ang iloy sang biktima nga ipaidalum pa sa autopsy ang bangkay ni Persey sa tuyo kon tani nga hibaluon ang “cause of death” sini sa baylo gindala na lamang ang bangkay sang biktima sa syudad sang Kabankalan.

Sa karon blangko pa ag mga kapulisan sa pagkilala sa suspek kag kung ano ang gingamit sa pagpatay.

Madumduman, alas 5:15 sang aga sadtong adlaw sang Sabado, nasapwan ang patay nga lawas ni Persey sa kilid sang dalan nga may pilas sa dughan kag tangkugo.

What’s your Reaction?
+1
0
+1
0
+1
0
+1
0
+1
0
+1
1
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.