MENU

PASAHERO, PATAY SANG MAHULOG SA RORO KAG GINAPATIHAN GIN ATAKE SANG MASAKIT

  • at 6:39 pm
Share on facebook
Share on pinterest
Share on twitter
Share on print

Patay ang 46 anyos nga lalaki nga Manager sang isa ka insurance company matapos gin-alegar gin-atake sang diabetes kag hypothermia kag nahulog sa roll-on roll-off sa BREDCO Port kahapon nga adlaw, Dominggo, Nobyembre 19.

Suno kay Police Captain Glenn Montaño, hepe sang Bacolod City Police Station 2 , gikan pa sa Ilo-ilo ang biktima kag nagpadulong sa syudad sang Bacolod bangud may yara sang tabu-on nga kliyente.

Palayag ni Montaño nakita sang isa ka crew sang Roro nga naga lutaw2 na ang biktima sa baybay sa tunga sang duha ka Roro kag nagpangayo sang bulig ang crew sa Philippine Coast Guard.

Gilayon man nga ginrespondehan sang PCG ang biktima kag gintinguhaan nga marevived apang wala na nagapitik ang pulso.

Dugang pa ni Montaño sa ila pagpangusisa wala sang nakasaksi angut sa natabo rason nga indi matul-id sa imbestigasyon kon nahulog ukon gintiklod ang biktima.

What’s your Reaction?
+1
0
+1
0
+1
0
+1
0
+1
0
+1
0
+1
0

VALLACAR BOLUNTARYO NGA NAG SUSPEND SANG ILA BYAHE SA ANTIQUE

December 6, 2023

Boluntaryo nag-suspend sang biyahe ang Vallacar Transit Inc. (VTI) matapos ang nagluntad nga aksidente kahapon sang hapon, Martes, Disyembre 5 sa Hamtic, Antique nga ginkamatay sang masobra isa ka dosena nga pasahero.

Sa interview sa Aksyon Hotline, ginpahayag ni LTFRB regional director Richard Osmeña nga pagtapos sang iya sugilanon sa gobernador sang Antique kag alkalde sang Hamtic pa kun tane siya magapapanaog sang desisyon angot sa suspensyon sang biyahe, apang nauna na nga nag-anunsyo ang VTI.

Ang suspensyon ang may minimum nga 30 ka adlaw.

Nahibaloan, ang VTI ang may 12 ka units sang Ceres bus nga nagabiyahe sa amo nga ruta.

Paga-diskusyonan na man sang LTFRB upod ang mga otoridad kun ano ang pagahimuon nga solusyon sa mga magabiyahe sa nasambit nga ruta kasunod nga ginapaabot ang pagdagsa sang mga pasahero sini nga panahon sang paskwa.

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.