PASAPORTE GIN PROMOTE BILANG BRIGADIER GENERAL

Share on facebook
Share on google
Share on pinterest
Share on twitter
Share on print

Lubos nga ginpasalamatan ni 303rd Infantry Brigade Commander Inocencio Pasaporte si Presidente Rodrigo Duterte kag AFP Board of Generals matapos ginpromote ini sa ranggo nga Brigadier General.

Suno kay Brig. Gen. Pasaporte, gin-aprobahan ni Presidente Duterte ang iya promotion upod sa 4 ka mga senior officers tinalikdan nga Martes, Hunyo 22.

Dugang pa ni Pasaporte ginakabig nga kadalag-an sang tanan nga mga miembro sang Philippine Army sa Negros Occ. ang promotion bilang bag-o nga Heneral sang AFP bangod daku ang nangin kontribusyon sang mga soldado para sa ila mga nalab-ot.

Ginpahayag man ni Pasaporte nga sa pihak sang pandemya, padayon ini nga magapangalagad sa bug-os nga probinsya ilabi sa pagpakig-away sa Covid-19 paagi sa pagpadala sang mga militar nga nagaserbi bilang contact tracers, pagbantay sa 5 ka mga Quarantine Boarder Control nga nagatapik sa Occidental kag Oriental kag madamo pa nga iban. | Aksyon Alvin Grava

LALAKI NAKUHAAN SANG 170K NGA BALOR SANG GINAPATIHAN DROGA

Nakuha ang 170,000 mil nga balor sang shabu ang narekober sang Bacolod City Police Office City Drug Enforcement Unit ukon CDEU sa Barangay 40 syudad sang Bacolod.

Ang suspetsado ginkilala kay Erwin Toledo, 36 anyos kag pumuloyo sang Purok Amalez uno Barangay 40 syudad sang Bacolod.

Si Toledo ang nadakpan sa buy-bust operation sa pagpamuno ni CDEU head Police Lt. Edward Bolivar.

Suno kay Bolivar, isa ka bulan ang ila surveillance kay Toledo antis madakpan nga ginakabig nga Street Level Individual.

Dugang pa ni Bolivar, natultolan nila ang ginakuhaan ni Toledo sang shabu nga amo karon ang subject sang ila follow-up operation.

Ginpasaka na sang CDEU ang kaso nga paglapas sang Comprehensive Drug Act of 2002 batok sa nadakpan. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.