PASAPORTE: NAREKOBER NGA WAR MATERIALS DAKO ANG IMPACT SA KAPASIDAD SANG MGA REBELDE

Share on facebook
Share on pinterest
Share on twitter
Share on print

Ginpahayag ni Brig. Gen. Inocencio Pasaporte, 303rd Infantry Brigade commander, nga ginapaabot sang militar nga maghuyang ang kapasidad sang Central Negros II kasunod sang pagkarekober sang pila ka mga armas kag mga bala sa may Sitio Double Yarding Barangay Mahalang, syudad sang Himamaylan.

Sa pinakaulihe nga inventory sang otoridad, narekober ang mga nalubong nga armas malapit sa creek sng ginalakipan sang walo ka anti-personnel mines, duha ka anti-tank mines, kag 1,932 rounds sang .30 Cal. Machine gun.

Suno kay Pasaporte, bangud sini, ginapaabot pa sang militar nga may magssungka kag magabalik sa sabak sang gobyerno gikan sa amo nga grupo.

Sa record sang militar, Pebrero 2022 sang ulihe nag gamit ang NPA sang improvised land mines sa banwa sang Binalbagan.

Sa nahibaluan, ang mga nagsungka nga NPA amo ang naghatag sang impormasyon sa militar sa nakatago nga mga armas kag mga bala.

Ang mga narekober nga armas ang ipaidalum pa sa forensic examination kag paga usaron nga ebidensya batuk sa rebelde nga grupo.

What’s your Reaction?
+1
0
+1
0
+1
0
+1
0
+1
0
+1
0
+1
1

72 KA DEPEKTIBO NGA KILOHAN SA MERKADO SA CADIZ, GINPANGGUBA

Naglab-ot sa 72 ka depektibo nga kilohan sa merkado sa syudad sang Cadiz ang ginpangguba subong nga adlaw, bilang pagtinguha sang lokal nga gobyerno sang syudad nga maproteksyunan ang mga bumalakal batok sa mga nagapangdaya sa kilo nga mga negosyante.

Sa interview sa Aksyon Firing Line, ginpahayag ni Cadiz City Mayor Salvador Escalante nga binulan man ang monitoring sang syudad kasunod sang madamo nga reklamo sa wala na nagasanto’ nga kilo sang ila ginabakal kaangay sang karne kag iban pa.

Gintawag naman ni Escalante nga alarming ang kadamuon sang nakumpiskar nga depektibo nga mga kilohan kag nanawagan sa mga negosyante nga untaton na ang pangpangdaya tungod magapadayon ang syudad agod matapna ang mga ini.

Ang tikang sang syudad may kaangtanan sa ginaselebrar subong nga bulan nga Consumer’s Welfare Month. | Aksyon Ann Defensor-Lisay | via Firing Line | October 4, 2022

What’s your Reaction?
+1
0
+1
0
+1
0
+1
0
+1
0
+1
0
+1
0

OPERASYON SANG 15 STALLS SA MANOKAN COUNTRY BALIK NA SA NORMAL MATAPOS ANG COMPROMISE AGREEMENT

Ginpahayag ni City Legal Officer Romeo Carlos Ting Jr. nga may yara na sang compromise agreement ang 15 ka mga ginpasira nga stall sa Manokan Country.

Suno kay Ting, las 5 sang hapon sang Lunes, nagpadulong ang mga tenant sa City Treasurer’s Office para sa compromise agreement kon paano nila mabayaran ang ila utang.

Lunes sang aga sang ginpapanaugan sang closure order ang 15 ka mga pwesto sa Manokan Country matapos wala makabayad sang utang sa gintalana nga deadline nga Setyembre 30, 2022.

Lunes sang gab-i sang balik na sa normal ang operasyon sang mga stall nga ginpapanaugan sang closure order.

Sa record sang syudad, may 7.1 million pa ang utang sang ginpapanaugan sang closure order.

Para Kay Ting, nakahibalo sila nga may MassKara Festival, pero ila lamang gina obra ang ila trabaho kag tuyo nga makagawad sang business permit ang mga may pwesto kag ma inspeksyon sa kada tuig para sa sanitary permit para sa kaayuhan sang mga nagakaon sa lugar.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.