PAY-OUT PARA SA DUGANG NGA BENEPISYARYO SANG SAP, GIN-UMPISAHAN NA SANG DSWD

CELL NO. 4 PAGATUKURON SA LANDFILL SANG BACOLOD

Magatukod ang syudad sang Bacolod sang sanitary landfill cell no. 4 sa Barangay Felisa, syudad sang Bacolod.

Ginkumpirmar ni Councilor Jude Thaddeus Sayson, chair sang committee on finance and appropriation, 59.2 milyones pesos ang pondo sa konstruksyon sang cell no. 4 sa propedad nga bag-o nga ginbakal sang LGU.

Ang IPM-Construction and Development Corporation amo ang magatukod sang cell no. 4.

Ginpahayag sang Konsehal, ginapaabot sini nga maglawig ang pag usar sang syudad sang cell no. 4 bangud may mga recycling facility nga pagatukuron sa amo man nga lugar.

Ginalantaw ni Sayson nga mapangitaan sang paagi sang syudad ang cell no. 1, 2, 3 nga posible pwede ma convert bilang isa ka park.

Samtang, magapabilin nga ang IPM-CDC ang maga dumala kag operate sang sanitary landfill sa syudad balor 63.9 milyones pesos halin Mayo 1, 2024 tubtob Disyembre 2024.

Nagdangat sa kabug-usan nga 123.2 milyones pesos ang pondo para sa cell no. 4 kag maintenance snag landfill.

Myerkules sang hapon, Abril 17, sang na ratify sang konseho ang mga kontrata.

LUPON TAGAPAMAYAPA SANG BARANGAY SINGCANG, GINKILALA SANG DILG BACOLOD

Mangin opisyal nga nominee sang syudad sang Bacolod ang Barangay Singcang Airport sa Regional Lupong Tagapamayapa Incentives Awards (LTIA) Table assessment para sa Highly Urbanized Category.

Ini matapos nangibabaw ang Singcang Airport sa mga Barangay syudad sang Bacolod kag nangin kampeon sa City LTIA.

Sa record sang DILG Bacolod, ginkilala ang Barangay Granada bilang 1st runner-up, Barangay Montevista bilang 2nd runner-up, Barangay Pahanocoy bilang 3rd runner-up kag Barangay Estefania bilang 4th runner-up.

Ginpahayag ni DILG Bacolod Director Christian Nagaynay, ginbasehan sa assessment ang 2023 nga datus ukon ang performance sang lupon.

Suno kay Nagaynay, lakip sa ginbasehan sa pagkilala ang kadamuon sang mga reklamo nga nasolbar sang lupon, ang pagsumiter sang mga report sa DILG, mga strategy nga ginapatuman kag iban pa. | DILG Bacolod Photo