PBAC NAG PATIGAYON SANG PRE-BID SA PATUKURON NGA MUSCOVADO SUGAR FACTORY

Share on facebook
Share on pinterest
Share on twitter
Share on print

Nagpatigayon sang una nga pre-bid para subong nga 2020, ang Provincial Bids and Awards Committee ukon (PBAC), angot sa P10 milyones pesos nga muscovado sugar factory sa syudad sang Kabankalan Negros Occidental.

Suno kay PBAC Head Atty. Rayfrando Diaz II, ini nga proyekto ang kabahin sang Department of Agriculture-Philippine Rural Development Project ukon (DA-PRDP), nga ginpondohan sang World Bank ukon (WB) .

Dugang pa ni Diaz, may duha na ka mga bidders ang nagpahayag sang interest, samtang sa Pebrero 4 naman patigayunon ang public bidding.

Ini nga proyekto ang dumalahan sang farmers cooperative sa syudad sang Kabankalan.

Kapin P1 billion peso nga proposed projects ang ginpondohan sang WB sa Negros Occidental , kalabanan mga imprastraktura agud suportahan ang major commodities sang probinsiya pareho sang muscovado sugar kag swine.

Ang PRDP projects ang napaidalom sa counterparting scheme. Para sa infrastructure projects, 80% ang counterpart sang WB samtang tag 10% naman sa DA kag recipient nga local government units. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

17 ANYOS NGA DALAGA, PATAY MATAPOS GINBUNO SANG PAKAISA BANGUD SA GINALEGAR PAGPALAPTA SANG KUTSO-KUTSO

Patay ang isa ka dalagita sa kaso sang pagbuno nga nagluntad sa Barangay Cabacungan, banwa sang La Castellana pasado las 7 sang aga, Lunes (Disyembre 5).

Ang biktima naga-edad sang 17 anyos samtang ang suspetsado naman naga-edad sang 16 anyos kag pareho nga residente sang amo man nga lugar.

(La Castellana PNP Photo)

Suno kay Police Captain Rhojn Daryll Nigos, hepe sang La Castellana PNP, magpakaisa lamang ang biktima kag ang suspetsado.

Suno kay Nigos, ginhagad sang suspetsado ang biktima nga maglakat sa lugar malayo sa mga pamalay.

Una nga gin-kompronta sang suspetsado ang biktima bangud sang gin-aligar ginapalapta sini nga kutso-kutso batuk sa suspek.

Dugang pa, lipod sa ihibalo sang biktima nga may dala nga kutsilyo ang suspek.

Ginbuno sang suspek ang iya nga pakaisa kag nakaangkon sang madamo nga pilas sa lawas.

Nagkuha pa sang bato ang menor de edad nga suspetsado kag ginlampusan sa ulo ang biktima.

Dead on the spot ang 17 anyos nga biktima samtang ang suspetsado naman ang nagsungka sa kapulisan.

Wala pag-inchindihanay ang nagapanguna nga motibo sa krimen. | Aksyon John Diaz

What’s your Reaction?
+1
0
+1
0
+1
0
+1
4
+1
0
+1
0
+1
0

PROBINSYA NAGPAANDAM SA FAKE BOOKINGS KAG RESERVATIONS

Plano sang Negros Occidental nga pangabayon ang bulig sang National Bureau of Investigation’s (NBI’s) Bacolod Cyber Crime Division agud maimbestigahan kun sin-o ang persona nga responsable sa pagtawag sa pila ka mga establisemento kag resorts agud magpareserba ukon magpa-bookings usar ang ngalan ni Governor Bong Lacson.

Ini ang ginpahayag ni Provincial Administrator Atty. Rayfrando Diaz II, matapos mabiktima sang peke nga bookings kag reservation ang tatlo ka mga establisamento sa syudad sang Bago kag Silay kag Campuestohan Highland Resort sa syudad sang Talisay.

Apang ginklaro ni Diaz nga iya pa ginahulat ang desisyon sang gobernador kun gusto gid sini nga mahibaluan kun sin-o ang sa likod sang amo nga modus.

Suno kay Diaz, siya mismo nakabaton sang mensahe halin sa isa ka pareho niya nga abugado, nga nagapamangkot kun may reserbasyon ang gobyerno probinsiyal sa Campuestohan nagligad nga Desyembre 1.

Dugang ni Diaz, wala madayon ang transaksyon sang nagpakilala nga si Governor Lacson matapos nga nagpakig-angot sa probinsiya ang staff sang Campuestohan.

Nagligad nga Desyembre 2, may tatlo man ka mga fake bookings nga nabaton ang restaurant sa Bago kag Silay sa diin ang isa sa mga ini ang nakuhaan gid sang balor P4,000 nga cellphone load. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.