Alerto ang mga katapo sang Philippine Coast Guard matapos gindeklarar kahapon ni PCG Commandant, Admiral Artemio Abu, sa heightened alert status kadungan sa implementasyon sang Oplan Balik Eskwela nga magaumpisa sa Agosto 15 tubtub 29, 2022.
Suno kay Commander Jansen Benjamin sa direktiba ni Admiral Abu, ginamanduan ang tanan nga mga enlisted personnel nga magbutang sang Malasakit Help Desks sa mga major port kag iban pa nga maritime transport facilities sa pagdagsa sang mga pasahero bangod sa pagbalik sang klase.
Dugang pa ni Benjamin, nagmandu man si PCG6 Regional Dir. Commodore Edgar Ybanez sa tanan nga mga unit commanders sa Western Visayas nga mag deploy sang dugang nga mga security personnel kag K9 teams sa pagtsekyar sa mga barko kag pre-departure inspections agud mapasiguro ang seguridad sang tanan.
Ginamanduan man ang mga ini nga magpatigayon sang maritime patrol operations agud malikawan ang “colorum” nga mga sakayan pandagat agud malikawan ang maritime accidents. | Aksyon Alvin Grava
