PCG VI NAKAKOLEKTA SANG 1,346 KA SAKO SANG CONTAMINATED DEBRIS GIKAN SA OIL SPILL

Share on facebook
Share on pinterest
Share on twitter
Share on print

Nakakolekta ang Philippince Coast Guard Western Visayas sang 1,346 ka mga sako sang contaminated debris sa banwa sang Caluya, Antique, gikan sa oil spill sa Oriental Mindoro.

Sa interview sang Aksyon Firing Line, ginpahayag ni Commander Jansen Benjamin, spokesperson sang Philippine Coast Guard Western Visayas, na contain na ang oil spill kag nagapabilin sa tatlo ka Sitio halin sa tatlo ka mga Barangay ang apektado nga ginalakipan sang Barangay Tinogboc, Barangay Sibolo, kag Barangay Semirara.

(PCG VI Photo)

Ang PCG ang may ginhimo nga temporary storage area para ma secure ang mga nakuha nga mga higko.

Sa record sang PCG, may 7,486 ka mga households ang apektado ukon 26,513 ka mga indibidwal ang apektado nga pagpangisda ang nagapanguna nga palangabuhian.

Suno kay Benjamin, 24/7 ang pagbantay sa karon sang otoridad sa lugar.

Ginklaro ni Benjamin, nga wala nahalitan sang husto ang mga coral reefs, magluwas sa seagrasses kag manggrove areas.

Ginatan-aw ni Benjamin nga magamay ang tsansa nga ang oil spill ang maglambot sa baybayon sa Boracay, Panay Island, kag Negros Occidental pero depende ini sa current kag direksyon sang hangin.

Ang BFAR ang nagkuha na sang sample kaangay sang isda, shellfish kag iban pa para mapaidalum sa laboratory testing.

Nagapabilin ang fishing ban sa lugar suno kay Benjamin.

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

PROTESTA KONTRA CHARTER CHANGE, GINPATIGAYON

Nagprotesta ang pila ka mga personalidad sa Negros Occidental kontta sa ginaduso nga charter change (chacha) kadungan sa ika-38 nga komemorasyon sang Edsa People Power kahapon Pebrero 25, 2024.

Ini ang ginpamunuan nanday Most Rev. Gerardo Alminaza, obispo sang Diocese of San Carlos kag anay Governor Rafael Coscolluela.

Kapin 700 ka mga indibidwal halin sa multi-sectoral nga grupo ang nag-martsa halin sa Lagoon pakadto sa dalan Gonzaga atubang sang BCGC replica.

Suno kay Alminaza, imbes nga chacha, dapat tutukan sang mga lideres sang nasyon ang peacebuilding kag sulbaron ang armed conflict.

Dugang pa sang obispo, ang People’s Coalition for Democracy Negros ang nagapanawagan man sa mga Filipino nga ibasura ang anu man nga agenda sang chacha kag ipabilin ang legasiya sang people power.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.