PERSONS OF INTEREST SA KAMATAYON SANG PULIS, NEGATIBO SA PARRAFIN TEST

Share on facebook
Share on pinterest
Share on twitter
Share on print

Nagnegatibo sa paraffin test ang tatlo ka mga persons of interest sa pagpatay kay Police Corporal Lernie Alacha.

Suno kay Police Captain Judesses Catalogo, Spokesperson sang Negros Occidental Police Provincial Office (NOCPPO), nagwa na ang resulta sang paraffin test gikan sa Provincial Crime Laboratory kag wala nakitaan ang traces sang polbora ang tatlo ka himata ni Alacha kalakip ang iya live-in partner, ang adopted nga bata sang iya live-in partner kag ang ginatudlo nagtiro sa biktima nga iya pito ka tuig nga bata nga lalaki.

Pagpaathag ni Catalogo, indi pa “conclusive” ang paraffin test bangud possible may mga factors nga naka-apekto a resulta sini. Mahimo maka-apekto sa resulta ang bayo sang mga ginpaidalom sa test kag ang sitwasyon sa sulod sang balay kun sa diin natabo ang krimen.

Nahibaloan, Abril 27, 2024, las 2:30 sang hapon, sang gin-aligar natiruhan si Alacha sa sulod sang ila balay matapos magluntad ang komosyon. Pilas sa liog ang naangkon ni Alacha nga gintunaan sang iya kamatayon.

What’s your Reaction?
+1
0
+1
0
+1
0
+1
0
+1
0
+1
0
+1
0

BCPO MAGABULIG SA PAGPATAHOM SA GIN-VANDALIZE NGA LUGAR SA BACOLOD

Magabulig patahom sa gin-vandalize nga lugar sa Bacolod ang Bacolod City Police Office (BCPO) sa pagpanguna ni BCPO City Operations Management Unit Chief PLt. Col. Lester Leada.

Ginpahayag ni Leada, nakigsapol siya upod kay Bacolod City Administrator Dr. Lucille Gelvolea kag iban pa nga stakeholders angot sa plano nga pagpatahom sa mga vandalized areas.

Suno kay Leada, nagapakig-angot na sila sa siudad agud ma-identify ang mga lugar nga apektado sang vandalism.

Nahibaloan, ang anti-vandalism campaign sang BCPO ang ginahimo nga tikang agud mabuligan ang siudad para sa ginaduso nga mangin Super City ang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

ISTRAKTURA PARA SA DEAF-MUTE COMMUNITY SA BACOLOD PLAZA, GINAPAKAKAS

Ginmando ni Mayor Albee Benitez ang pagkakas sa estraktura nga ginpahamtang sa isa ka waiting shed sa plaza publika sang Bacolod, sa kilid sang dalan San Juan.

Suno kay City Legal Officer Atty. Romeo Carlos Ting Jr., ginpangabay na sang alkalde ang Department of Social Services and Development (DSSD) kag General Services Office (GSO) nga pangitaan sang lugar nga masayluhan ang mga miyembro sang Deaf-Mute Community of Bacolod nga amo ang naghangyo sa syudad nga mausar ang waiting shed bilang learning center.

Dugang pa ni Ting, nagligad pa nga tuig sang nagpangabay ang grupo sa syudad apang wala lamang mamonitor sang maayo nga nagpatukod na ang mga ini sang estraktura.

Suno kay Ting, wala na ginatugutan ang anu man nga estraktura sa plaza, bangud ini ang ginaplanuhan nga ipaidalom sa major renovation. | Dolly Yasa Photo/FB

What’s your Reaction?
+1
2
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.