MENU

PHILHEALTH GINPATUMAN NA ANG PAGPASAKA SANG BENEPISYO SA DIALYSIS

  • at 9:34 pm
Share on facebook
Share on pinterest
Share on twitter
Share on print

Epektibo Agosto 3 ginpatuman na sang Philhealth nga pagpa-increase sa benepisyo sa dialysis ukon ang Outpatient Chemo Dialysis Benefit sang mga dialysis patient nga miembro sang ahensya.

Sa interview sa Aksyon Hotline, ginpahayag ni Philhealth Region 6 Public Affairs Unit Head Janimhe Jalbuna nga, gikan sa 90 ka sessions ginpasaka na sa 144 ka sessions kada tuig ang ma-avail nga libre nga dialysis sang mga pasyente.

Suno kay Jalbuna, P2,600 kada dialysis session ang ginabayad sang Philhealth.

Ginakabig na man ni Jalbuna nga sabat sa pagkinahanglan sang mga dialysis patient ang nasambit nga increase.

Nagpanawagan na man si Jalbuna sa mga miembro nga i-update ang record sa Philhealth agud mahimo maka-avail sang mga benepisyo nga ginahatag sang Philhealth. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MASOBRA 2K KA PULIS MAGAHATAG SEGURIDAD SA MASSKARA 2023

September 25, 2023

Masobra 2,000 ka pulis ang ipalapta kadungan sa selebrasyon sang Masskara Festival sa syudad sang Bacolod.

Suno kay Lt. Col. Ronnie Brillo, Deputy City Director for Administration, Oktubre 6 iga-deploy ang 2, 331 ka personnel. Dugang pa ni Brillo, nag-request naman sila sang augmentation gikan sa Police Regional Office 6 bangud 1,044 lang ang masarangan nga personnel sang BCPO kag may kulang nga 1,287 ka pulis.

Suno kay Brillo kon masarangan sang NOCPPO, posible sa ila gikan ang augmentation antes magkuha sang augmentation gikan sa Iloilo Police Provincial Office kag iban nga units.

Posible man suno kay Brillo nga dugangan ang una nga 25 ka Bacolod City Public Assistance Desk nga ginpahamtang sa strategic areas sa palibot sang syudad.

Samtang, pahimuan ni Bacolod City Police Office Director Col. Noel Aliño sang individual security plan ang kada aktibidad sa Masskara Festival.

What’s your Reaction?
+1
0
+1
0
+1
0
+1
0
+1
0
+1
0
+1
0

MAG-LOLA, PILASON SANG MABUNGGUAN SUV NGA GINAMANEHO SANG BJMP PERSONNEL

September 25, 2023

Pilason ang mag-lola sa aksidente nga nagluntad sa highway sa syudad sang Cadiz.

Ang mga pilason ginkilala sang mga kapulisan nga sanday Sherly Montero, 64 anyos kag ang 16 anyos sini nga apo kag pareho nga residente sang Barangay Burgos, syudad sang Cadiz.

Ang menor de edad amo ang nagamaneho sang motorsiklo.

Base sa imbestigasyon sang kapulisan, nabungguan sang salakyan nga ginamaneho ni Jail Officer 1 Vic Dela Cruz ang motorsiklo nga ginasakyan sang mga biktima.

Gin-alegar nga gulpi nga nagtabok sa dalan ang motorsiklo rasun kun nga a nabungguan ini sang auto.

Nakaangkon sang pilas sa nagkalain-lain nga bahin sang lawas ang mag-lola kag karun ginabulong sa Cadiz District Hospital.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.