PILA KA FRONTLINERS SA BACOLOD GIN PAIDALUM SA SWAB TEST

Share on facebook
Share on google
Share on pinterest
Share on twitter
Share on print
(Bacolod DRRMO Photo)

Gina paidalum sang gobyerno sang syudad sang Bacolod sa Covid-19 RT-PCR Test ang pila ka mga frontliners sa syudad.

Sa interview sang Aksyon Radyo, gin pahayag ni Dr. Grace Tan, spokesperson sang Bacolod IATF, lakip sa mga frontliners nga gina kuhaan sang swab specimen amo ang health care workers na may exposure sa Covid-19 positive, mga kapulisan, barangay health workers, kag iban pa. Gin paathag ni Tan, gina pili sang syudad ang mga frontliners nga most at risk para ma amat-amat ang mga ini nga mapaidalum sa test.

Suno kay Tan, ang mga frontliners nga subject sa Covid-19 test ang mga asymptomatic kag ang testing ang gina patigayon para panigurado nga hilway sila sa virus.

Gin kumpirmar man ni Tan nga naka puli na sa Brgy. Villamonte si Patient 11, isa ja 42 anyos nga lalaki nga OFW matapos nga naka recover sa Covid-19. | Aksyon Dale Salazar

CAELIAN LIWAT NGA NAGPOSITIBO SA COVID-19

Liwat nga nagpositibo sa coronavirus disease (COVID-19) si Provincial Disaster Management Program Division (PDMPD) Head kag Provincial Incident Management Team (PIMT) Commander Dr. Zeaphard Gerhart Caelian.

Suno kay Caelian, Biyernes Hulyo 23 sang maglain ang iya pamatyag gani siya ang nagpa swab test sang Lunes Hulyo 26 kag nagpositibo sa COVID-19.

Gin swab test man ang myembro sang iya pamilya apang lunsay nagnegatibo ang resulta.

Ginpaidalom na sa decontamination ang opisina sang PDMPD sa Panaad Park Mansilingan kag gin swab test man ang pila ka mga personnel sini nga naka close contact kay Caelian.

Marso 2021, si Caelian ang nagpositibo man sa COVID-19 isa ka adlaw antis ang iya schedule sa una nga dose sang AstraZeneca vaccine.

Sa karon siya ang naka isolate sa Mambucal Resort banwa sang Murcia. | Aksyon Marlon Genovea

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

MORE STORIES:

LIKE US ON FB

error: Ooops... You are not authorized to copy this content.