PILA KA MGA UNVACCINATED BACOLODNON NAGAPAMATOK SA MANDATORY COVID-19 VACCINATION

Share on facebook
Share on google
Share on pinterest
Share on twitter
Share on print

Kapin 20 ka mga unvaccinated nga mga Bacolodnon ang nagtipon sa Bacolod Government Center grounds kaina sang hapon para ipabutyag ang ila pagpamatok sa mandatory nga Covid-19 vaccination.

Sa interview sang Aksyon Radyo, ginpahayag ni Bryan Valentino, 34 anyos, ang ila grupo ang ginatawag nga X-Mandatory nga nag tipon kaina para ipakita ang ila suporta sa iban man nga grupo nga nagapamatok sa mandatory nga pagpabakuna.

Ginklaro ni Valentino, nga indi sila anti-vaxxers kundi ginapamatukan lamang ang mandatory vaccination.
Ini na ang ikaapat nga tion nga ginhimo sang grupo ang aktibidad.

Para kay Valentino, dapat hatagan sang choice ang tawo sa pagpabakuna kag indi pag i-discriminate.

Ginpahayag ni Valentino, nga ang DOH mismo ang nagpalayag nga kon bakunado kaman ukon indi, pareho lamang nga matapikan sang virus kag makapanglaton kag may mga fully vaccinated man nga ginabawian sang kabuhi.

Aminado si Valentino, nga may nobya ini nga fully vaccinated bangud nga na pressure sa iya trabaho sa isa ka fast food chain sa Bacolod.

Una na ginpahayag sang DOH nga safe ang bakuna kag dako ang mabulig para malikawan nga mangin critical ukon severe ang sitwasyon sa tion nga matapikan sang Covid-19.

What’s your Reaction?
+1
5
+1
1
+1
1
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.