Naaresto ang pito ka persona bangud sa illegal nga pagpamulang ukon paglapas sa layi nga nagadumili sa Presidential Decree 449 sa police operation sang Mobile Patrol Unit ,Bacolod City Police Office las 12:00 sang udto, Byernes nga adlaw, Hunyo 24, 2022 sa Prk. Seaside, Brgy. Tangub, Bacolod City.
Ginkilala ang mga nagkaladakpan nga sanday Daniel Esogon, 64 anyos; Rolando Marcellana, 66 anyos; Edmund Palma , 20 anyos; Dionelo Gravino Jr. ,28 anyos;Michael Eresuelo ,36 anyos kag Reygie Magallanes, 44 anyos lunsay residente sang Purok Seaside, Brgy. Tangub, Bacolod City kag si Ernie Gonzaga, 50 anyos ,residente sang Purok Greenfield, Brgy.Tangub,Bacolod City.
Na-recover sa mga nagkaladakpan ang duha ka sulog nga manok, duha ka bulang kag 30,000 pesos nga balor sang kwarta nga pusta ukon bet money sa nagkalain-lain nga denominasyon.
Yara na sa karon ang mga nagkaladakpan sa custodial facility sang Police Station 8. | Aksyon Zil Menardo