Ginrekomendar sang Negros Occidental Provincial Legal Office (PLO) ang pagpasaka sang kaso administratibo kag kriminal kay anay Provincial Planning and Development Officer (PPDO) Ma. Lina Sanogal kag Provincial Disaster Risk Reduction Management Officer Dr. Zephard Gerhart Caelian bangud sa unliquidated financial assistance sa Negros First Emergency Response Team (NFERT) balor Php3,000,000.00.
Ini nga pinansiyal donasyon para sa Amity Public Safety Academy Inc. (APSA).
Sa imbestigasyon sang PLO, sanday Sanogal kag Caelian ang mga board of directors sang APSA bisan pa nga nagaserbisyo man bilang public officials.
Dugang pa sang PLO, sila ang may kahilabtanan man sa pag implementar sang financial assistance grant sa NFERT sa ila kapasidad bilang mga miyembro sang PDRRM Council.
Suno sa PLO ang appointment ni Sanogal kag Caelian bilang directors sang APSA makabig nga conflict of interest sa ila duty bilang mga public officials sang probinsiya sang Negros Occidental. | Aksyon Marlon Genovea
