SECTIONS

Today is:

POLICE, NAGPAGWA NA SANG MGA LUGAR NGA ‘ELECTION HOTSPOT’

Share on facebook
Share on google
Share on pinterest
Share on twitter
Share on print

Lima ka mga lugar sa probinsiya sang Negros ang gina kabig nga election hot spot.

Ini ang ginpalayag ni Senior Superintendent Rodolfo Castil Jr., Provincial Director sang Negros Occidental Police Provincial Office, pareho sang nagliligad nga election halos amo lang sa gihapon nga mga lugar ang makabig nga mainit ang engkwentro sa politika.

Una diri amo ang Moises Padilla bangud nahibaluan nga yara sa ‘hitlist’ sang New People’s Army ukon NPA ang alkalde nga si Mayor Magdaleno Peña.

Ika duha amo ang banwa sang Isabela bangud kon madumduman madamo ang na-record sang mga kapulisan nga pagpatay sang gina alegar mga assets sang militar kag informant sang pulis.

Ikatlo amo ang siudad sang Escalante bangud balwarte man ini sang NPA.

Ginakabig man nga election hotspot ang banwa sang Salvador Benedicto bangud na-monitor sang mga kapulisan nga may pila ka mga mapapili nga kandidato ang may armed group.

Ang banwa sang Toboso ang gin lakip man sa election hotspot bangud sa presensya sang mga NPA sa amo nga lugar kag posible magatuga sang gamo pag abot sang election period.

Gin mandu man ni Castil sa mga hepe sang amo nga mga lugar nga makig dayalogo sa mga kandidato agud pahanumdumon nga maghalong ilabe na sa tion sang election period.

Last Updated on:

MORE STORIES:

ANU ANG IMO MA KOMENTO?

error: Ooops... You are not authorized to copy this content.