SECTIONS

Today is:

POLICE PATROL NABUNGGO-AN SANG MOTORSIKLO, NAGASAKAY SA MOTORSIKLO LUNSAY PILASON

Share on facebook
Share on google
Share on pinterest
Share on twitter
Share on print
BACOLOD CITY – Balda ang natuo nga tiil sang bana, samtang pilason man ang asawa, matapos makabunggo ang ginasakyan nga motorsiklo sa patrol car sang police station 8 sa atubang mismo sang ila estasyon sa dalan Araneta, Barangay Tangub, Bacolod mga las 11:55 sabado sang gab-i.

Ang mga pilason ginkilala nga sanday Reno Arthur Bacan, 32 anyos kag asawa sini nga si Gian Bacan, 30 anyos tanan nagapuyo sa Purok Masinadyahon, Florenceville sa amo man nga Barangay.
Suno sa imbestigasyon ni P02 Jomar Dura, naguwa ang patrol halin sa compound sang PS8 nga ginamaneho ni SP02 Elton Exaltado kag tuyo kun tani magtabok sa pihak nga dalan padulong sa sur nga bahin sang Bacolod sang hinali nga nagsalpok ang motorsiklo nga ginasakyan sang mag-asawa halin sa sur padulong sa norte nga bahin.
Dugang sa imbestigasyon, ang patrol naka-blinker sang natabo ang pagbunggo.
Wala naman sang may napilasan sa bahin sang kapulisan.
Ang mag-asawa ang padayon karun nga ginabulong sa hospital.
Mga las 10:30 sini nga aga sang domingo, gintinguhaan sang Aksyon Radyo-Bacolod nga makuhaan sang komento ang pamilya nanday Reno kag Gian, apang wala pa sila sang ideya sa amo nga aksidente kag wala man sila nakahibalo yara sa hospital ang mag-asawa. via— Aksyon Bryan Morden

Last Updated on:

MORE STORIES:

ANU ANG IMO MA KOMENTO?

error: Ooops... You are not authorized to copy this content.