Nagasalig si Police Capt. Elmer Bonilla hepe sang Police Station 7 madali nila masolbar ang kaso kon magkooperar ang pamilya sang biktima.
Suno kay Bonilla, pangimon ang ginalantaw nila motibo sa pagtiro kahapon sang hapon kay Kim Ryan Canillo, 31 anyos pumuloyo sang Block 33 Sto. Niño Barangay Handumanan syudad sang Bacolod.
Dugang pa ni Bonilla, indi pa niya madetalye ang motibo sang insidente bangod kinahanglanon pa nila ang ebidensya.
Nagalakat sa dalan sang Bangga Alijis-Murcia Road Barangay Alijis si Canillo sang gintiro sang isa ka persona kag nagpalagyo sakay sa nagahulat nga motorsiklo.
Si Canillo ang may igo sang tiro sa liog kag natalana operahan sa Corazon Locsin Montelibano Memorial Reg’l Hospital.
Ginpahayag sang hepe nga may person of interest nga ginalantaw sa nasambit nga insidente. | Aksyon Eric Magbanua