Tubtub karon wala pa makilala ang mga persona kag motibo sa pagtiro kagab-i sa katorse anyos sa Blk 51, Lot 2, Zone 3 Abada Escay Barangay Vista Alegre syudad sang Bacolod.
Suno kay Police Capt. Elmer Bonilla, hepe sang Police Station 7, indi makita sa CCTV ang mga itsura sang persona nga nagtiro sa biktima bangod nagasuksok ini sang bonet kag wala sang plate number ang L-300 van nga ila ginasakyan.
Dugang pa ni Bonilla, indi magnubo sa lima ka igo sang luthang ang naangkon sang biktima gamit ang calibre 45 kag carbine.
Nagapati si Bonilla nga posible tiyo ang target kag nasal-an lang ang biktima.
Ginpahayag sang hepe, wala nila ginadula ang anggolo nga druga.
Suno kay Bonilla, may kaso nga paglapas sa R.A. 9165 ang tiyo kag may pending warrant of arrest sa kaso murder.
BAHIN SANG ILOY SANG BIKTIMA
May pagpangduha-duha si Rachelle Bandiola, iloy sg menor de edad nga ginluthang kagab-i sa Abada Escay, Brgy Vista Alegre nga posible mga pulis ang may kahilabtanan sa pagpatay sa iya bata.
Suno kay Bandiola, makita sa CCTV nga ang giho kag armas nga mga gamit ang iya ka pulis.
Dugang pa sg iloy, dako ang posibilidad nga ang tiyo sg biktima nga may kaso nga ilegal nga droga sadto ang ginapangita sg mga suspetsado.
Pagsaysay sg iloy, nagkadto sa gwa sang ila balay ang walo ka mga lalaki nga naka bonnet kag nagpa-arak sang lupok kag ulihi na nakabalo nga iya na bata ang ginaluthang nga sang amo nga oras ara sa balay sang iya magulang kag bayaw.
Dugang pa, posible bangud sa ka kulba sang nabatian nga lupok, naglumpat sa suba ang biktima kag bayaw sini apang ang menor de edad ang naigo kag napatay samtang nakapalagyo naman ang iya bayaw.
Ginpangabay man sini sa otoridad nga hatagan hustisya ang kamatayon sang iya bata. |Aksyon Eric Magbanua, Aksyon Eden Aboso